ساعدونى يا خبيرات الحنه بليييييييز 2024.

ازيكم يا قمرات عاملين ايه هطلب منكم طلب ويارب ما تكسفونى انا كنت عايزه اعرف طريقه الحنه السودا بتاعه الرسم دى انا بموووت فيها ونفسى اوى اعملها لنفسى انا عندى الرسومات المتفرغه دى من زمان وعايزه استخدمهم بدل ما ريحتهم طلعت فى الدولاب كده يعنى الرسم معنديش مشكله فيه المهم العجينه نفسها بتتعمل من ايه واجيب الحاجات بتاعتها منين انا من اسكندريه الاماكن فين بالظبط على فكره خالتو عملتهالى قبل كده بس معجبتنيش خالص كانت بنى مش سودا ولونها طلع بعد يومين بالظبط بس شوفت واحده زميله صاحبتى فى الشغل عاملاهالها تحفففففففففففففه سودا جدااااااااا وثابته مبتطلعش كانت عامله منها لصاحبتى وعجبتنى عليها قولتلها تسألها بس للاسف مأفادتنيش يادوب قالتلى حنه وحجر اسود بس انما اعملها ازاى وبكميات اد ايه لاءه وانا اتكسفت اسأل تانى بس قولت اكييييد الفتوكات مش هيكسفونى وياريت لو تعرفو برضو طريقه الحنه اللى بيبقى عليها جليتر والوان دى تقولولى طريقتها ويارب يحققلكو كللللللللل اللى بتتمنوه يارب

princess.toty princess.toty 909050_4.gif فتكات حبوبة Fatakat 909050 alexandrea – egept

سبحان الله و بحمده

تعالوا شوفوا اخر اعمالي في المكياج ولف الطرح ميك اب 2024.


يلا مستنية رايكم يا قمرات

heemiro 2 heemiro 2 489976_1.gif سوبر فتكات Fatakat 489976 القاهرة – مصر

سبحان الله و بحمده

احلى دروس فى فن المونيكير 2024.

السلام عليكم يا قمراتى وحشتونى اوى انا جيبالكم انهاردا دروس فى وضع المونيكير
يلا نبدا عشان مطولش عليكم و ابقى رخمة

الدرس التانى

الدرس الثالث

الدرس الرابع

الدرس الخامس و الاخير

كدا خلاويييييص خلصت معلش اسفة لو طولت عليكم يا حبايبى بس يارت تقيمولى لو عجبكم الموضوع عشان تعبت والله اوى احسن هزعل واله و هعيط
فى امان اللة


2alb body 2alb body 626373_6.gif فتكات متميزة Fatakat 626373 القاهرة – مصر

سبحان الله و بحمده

ممكن تساعدونى بليز 2024.

عايزة اعرف ازاى احط ميك اب خفيف للخروج او للشغل مع العلم ان بشرتى مختلطة ومحتارة اوى انا سالت خبيرة تجميل وقالت ليا احط الفاونديشن من ماركو كريولاين سوبر كلر واحط عليها بودرة مضغوطة اللى هى بودرة مدينة وعايزة اعرف اذا كان فى حاجة ممكن تتحط تحت الفاونديشن علشان مش يسيح من الشمس ومعلش طولت عليكم

derra derra فتكات حبوبة Fatakat 1074903 Cairo – Egypt

سبحان الله و بحمده

ماركات الميك اب واسعارها ………………؟ 2024.

سلام عليكم

يا جماعة انا عايزة اجيب ميك اب واتعلم لأنى معرفش احط ميك ا ب خالص ولا حتى عمرى مسكت صباع رووووج ههههههههههههه

لكن انا مش عايزة انزل اشترى ميك اب من اى محل ومكنش عارفة مصدر الميك اب دا ايه معمول تحت السلم ولا مضروب ولاايه واحطه على بشرتى كدا وخلاص…لأ

انا عايزة اجيب ماركات معروفة ..حاجات معروفة انها نضيفة ومضمونة ومأمونة على البشرة مش حاجات معمولة تحت السلم أومش معروف مصدرها…

فلو سمحتو تقلولى ايه الماركات دى؟؟ و منين ؟؟واعرفها ازاى واماكنها فين بس ارخص الاماكن مش اغلىالاماكن …. ولا هى سعرها واحد فى اى مكان ؟؟؟

ويا ريت تقلولى اعرفها ازاى علشان برده لما اروح اشترى ممكن يبعولى التقليد على انه اصلى وبسعر الاصلى …. طيب اعرف ازاى .؟؟؟

ويا ريت تقلولى اجيب ايه بالظبط وايه سعر كل حاجة وبتستخدم فى ايه ؟؟؟

أومثلا أجمع الحاجات من ماركات مختلفة بحيث ان الماركة الفلانية الماسكرا فيها افضل حاجة والماركة الفلانية الروج فيها افضل روج والماركة معرفش ايه ملمع الشفاه فيها افضل حاجة ..وهكذا
المهم اسم الماركة واسعارها……….واماكن شرااااااااااااااااااااااااااءهاااااااااا بالتفصييييييييل علشان انا عايشة فى الصعيد وباذنا لله هنزل مصر اشترى لبس واشترى بالمرة الميك اب فيا ريت عناوينها بالتفصيل الممل علشان اقدر اوصلها لأنى معرفش اى شبر فى مصر وهمشى على وصفكم …^_^

متنسوش انى بقولكو انى لا افقه شئ فى الميك اب ودى اول مرة فى حياتى انزل اشترى فيا ريت اسم كل حاجة براحة عليا وسعرها واسم ماركتها ومكان شرائها وفايدتها وطريقة استخدامها ..وصورها لو امكن ويا ريت الصور علشان اخد فكرة عن شكل المنتج قبل ما انزل اشتريه وابقى عارفة انا بشترى ايه وشكله ايه

انا عارفة ان طلبى متعب شوية بس معلش ساعدونى …

ولو افتكرت حاجة تانية هدخل اسألكم

فى انتظاركم يا بنات يا قمرات ^_^


ســها ســها 74982_2.gif سوبر فتكات Fatakat 74982 المنيا – مصر

سبحان الله و بحمده

سؤال عن البودي شوب 2024.

السلام عليكم ازيكم يا فتوكات
كنت عايزة أسأل هل بودي شوب عامل تخفيضات بمناسبة السنة الجديدة
و ايه احسن المنتجات اللي جربتوها من بودي شوب
و رأيكوا ايه في الاسبريهات اللي عنده و الزيوت العطرية

zigzag zigzag فتكات ست الكل Fatakat 332103 القاهرة – مصر

سبحان الله و بحمده