ازيكم يافتوكات يارب تكونوا تمام
جايبالكم النهاردة طريقة المقلوبة الشامية من قلب الشام هههههههه
بالتفصيل الملل بالصور من مطبخي يارب تعجبكم
يالا من غير رغي كتيييير ندخل على المقادير والطريقة
كيلو بطاطس
2 بدنجان كبير او اكثر اذا كانت البدنجان صغير
طماطم حسب الرغبة
بصل
فراخ
كيلو رز طويل الحبة (او الرز المصري )
ثوم
زيت للقلي
كزبر للتزين
التوابل :
فلفل اسود
كركم
زعفران
ماجي
ملح
هيل
قرفة خشبية
وممكن اضافة او نقص التوابل حسب الرغبة
نحط الفراخ تتصلق ونحط معاها بصل مقطعة الى اربع قطع بالطول وشوية كركم وفلفل اسود وملح
واربع فصوص ثوم وعودين قرفة (فيه نوع من القرفة بيبقى عامل زي الخشب اذا كان متوفر نحط منو عودين واذا لم يكن
متوفر نحط معلقة صغيرة قرفة عادية )
وبعد ما الفراخ تتصلق نشيل الشوربة على جمب عشان هنحتاجها مع الرز
ونقطع الفراخ قطع صغيرة ونحمرها شوية في الزيت عشان تاخد لون بيبقى دة شكلها
نغسل الرز ونصفيه كويس من المية ونتبلو ب : كركم – قرفة – ملح – زعفران
بعدين نقطع البدنجان والبطاطس قطع دائرية متوسطة ونحمرهم في الزيت
و الطماطم كمان نقطعها قطع دائرية متوسطة زي كدة
ودلوقتي نيجي لأهم خطوة وهي رص الخضار و الارز
اول حاجة نستعمل حلة واسعة وعريضة (هقولكم في الخطوات الي الي جاية السبب )
ندهن الحلة بشوية زيت على الجناب وفي القاع
بعدين نرش شوية رز في قاع الحلة زي كدة
ونبدأ الرص
نحط الطاطم في الجناب بالشكل دة
بعدين نرص البطاطس فوقها بحيث تغطيها تماما بالشكل دة
بعد كدة نرص البدنجان في الجناب زي كدة
وفي نص نرص الفراخ بالشكل دة
بعدين نضيف الارز
واخيرا الشوربة بس قبل ما نحطها على الارز نصفيها من البصل والثوم والهيل
ونسيبها على نار عالية
لما الارز يمتص المية نهدي النار على الاخر ونسيبها من نص ساعة لساعة وممكن اكتر
بعد ما تستوي نشيل الغطا ونسيبها تبرد شوية
بعدين نجيب صحن كبيرة واسع اوسع من الحلة ونغطي الحلة بيه
وبعد كدة نقلبها مرة واحدة ودة سبب استعمال حلة واسعة لو ضيقة مش هتاخد الشكل دة
ممكن تتفرد في الصحن وتبقى كبسة هههههههههههه
ودي صورة كمان عشان الحبايب هههههههههههه
بنقدمها في صحن وبنزين الوش بالكزبر معلش انا نسيت اصور
صحن التقديم
طعمها بيطلع رااااااااااائع
يارب الوصفة تعجبكم
وتجربوها
مواضيع هذا القسم برعاية
ahdab ahdab 281615_8.gif سوبر فتكات Fatakat 281615 طنطا – مصر