عاملين إيه يا فتوكاتى العزيزات
من شوية كنت عايزة أحضر العشا وطبعا عارفين موال كل يوم هناكل وهنتعشى إيه
بس ربنا يبارك فيهاأم شهد العسولة كانت عاملة أكلة اسمها ميلانو وشكلها كان جميل بصراحة
فقلت ما بدهاش يا بت غشىغشى
ف الحالة دى الغش مش حرام وعملتها
المهم بعد الرغى دا كله إيه هى الأكلة
أنا هحط رابط لموضوع أم شهد وهيما وفيه الوصفة بالتفصيل
وبصراحة جزاها الله خيرا عنى وعن بعلى
ღ♥♥ღ ميلانو السوسيس من مطبخ ام شهد وهيما ღ♥♥ღ
هى عبارة عن سوسيس مع بصل متشوح وطماطم وفلفل رومى أخضر وزيتون أخضر شرائح وجبنة رومى و مايونيز
أنا بقى مالقتش ولا فلفل ولا بصل بس لاقيت جزر وطمطماية يتيمة ف الثلاجة
طيب أحرم الراجل من العشوة الحلوة دى لأ طبعا
دا الجيش قالك إيييييييييييه؟؟؟؟ قالك اتصرف
بشرت جزر وقطعت الطمطماية الغلابنة ف الطاسة وشوحتهم ف الزيت شوية
وبعدين حطيت الزيتون الأخضر المقطع شرائح وبعد دقيتين حطين شرائح الجبنة الرومى لمدة دقيقة
وبعدين طفيت النار
مسحت الرغايف بالمايونيز ومبخلتش بصراحة وحطيت المكونات وعشت
بجد بجد طلعت روووعة ولازم تجربوها
وبعدها حبسنا بالزبادى انا والراجل الغلبان ومودى ههههههههههه
مع إن كان ناقصها شوب عصير بس مش مشكلة الجايات أكتر من الرايحات
ونصيحة منى أختاروا نوع سوسيس كويس
مش أى حاجة تدخل معدتنا الله يكرمكم
أنا عن نفسى بثق ف منتجات حلوانى إلى الأن وياريت ثقتى تفضل ف محلها
هسيبكم مع الصور اللى عملتها
هى مش قد كده بس معلش بقى أستحملوا
اللى تدخل ترد ولو بدعوة حلوة كده زيكم يا عسولات
ياريت محدش يبخل بقى بالدعوة ليا بارك الله فيكم
مواضيع هذا القسم برعاية
أم محمد وأبي أم محمد وأبي 220475_9.gif فتكات ست الكل Fatakat 220475 Évreux – فرنسا