بصوا حبيايب قلبى انا عملت الزبادى لايت من غير دسم اقولكم ازاى وبعدين تشوفوا الصور
انا جبت 2.5 كيلو لبن غليتهم من باليل ولما برد دخلته التلاجة لحد تانى يوم العصر لقيتع عامل طبقة قشدة يجى ربع كيلو طبعا القشدة دى انا بحبها ليييييييييييييه عشان بستخدمها فى الاكل والحلويات وطبعا بتبقى غالية جدا ال تمن كيلو ب 5 جندى ومافيش اكلة بتاخد اقل من ربع كيلو فقلت احوشها واستفاد منها وفى ناس بتحولها للسمن بلدى بس انا مش بحبها قوى اصلا السمنى اليبلدى وكمان دسمة واحنا مش ناقصين قلبظة
المهم بعد ماخد القشطة حطيت اللبن على النار لحد مادفى يدوب يدفى مش يغلى واخد مه نص كوباية دوبت فيها معلقتين زبادى كبار وبعدين حطتهم على كل اللبن وقلبت وبدات اصب فى الطواجن الفخار ومش عاوزة اقولكم طعم الاكل فى الطواجن دى بيكون شكله ايه
سخنت الفرن يعنى انا ولعت الفرن على اعلى درجة وعديت ثوانى الساعة 100 ثانية يعنى دقيقة ونص وطفيت على طول ودخلت الطواجن وسسبته لمده اربع ساعات فتحت الفرن لقيته لسه ماجمدش روحت مولعة الفرنا تانى وهما جواه ماخرجتوهمش من الفرن بس المرة دى عديت 50 ثانية فقط وطفيت على طول وسيبتهم 8 ساعات تانين لقيتهم ماشاء الله لاقوة الا بالله زى الفل وجامد خالص وماسك نفسه وطعمه حلو جدا
انا بستفاد من الزبادى فى كذا حاجة اولا بتعشى بيه مع معلقة ردة ثانيا بستخدمه فى الاكلات والسلطات ثالثا بستخدمه فى امسكات اللبشرة واحتمال الاقى ليه استخدمات تانية الكمية دى عملت معايا 10 طواجن بتوع الزبادى و 3 كوبيات متوسطين الطاجن يعمل 2 كوب زبادى من اللى بيتاباعة برده ب1 ج يعنى العشر طواجن يعمله 20 كوبايه زبادى وكمان 3 وا كوبيات يعملوا 6 كوبايات يبقى انا علمت امبارح بفضل الله 26 كوباية لو اشتريتهم من برة هيكونوا ب 26 جنيه وانا جايبه اللبن كله ب 14 جنيه شفته انا وفرت اد ايه وكمان طلعت منه ربع كيلو قشدة ب 10 جنيه يعنى وفرت 22 جنيه وحاجة ماقفيهاش اى مواد حافظة ولا كيماويات والصلاحية مش 3 ايام وتخلص لا دى عندك لحد ماتخلصيها براحتك
اسيبكم بئى مع الصور
بالله عليكم لو عجبكم الموضوع ماتنسوش تدعولى ربنا يرزقنى بالذرية الطيبة الصالحة والتقييم انتو وزوقكم مش هدقق فيه قوى المعم تدعولى مواضيع هذا القسم برعاية
ام حمزه المصري ام حمزه المصري 811880_2.gif سوبر فتكات Fatakat 811880 اسكندريه – مصر