السلام عليكم
يا فاتوكات مين بيحب اكلات شرق اسيا الأكل الصيني او التايلاندي ؟؟
طيب مين دخل مطعم صيني وعجبه الأكل يقولنا اسمه وايه الأكله اللي عجبته؟؟
انا دخلت مطعم جامد في سيتي ستارز اسمه Manchow wok في الدور الرابع وطلبت شوربه اسمها hot and sour soup
بصراحة مش قادرة انسي طعمها لحد دلوقت .. هي حراقة شوية بس جامداااااااااااااااا
المهم بحثت ودورت لحد مالقيت طريقتها في موقع اجبني ترجمتها وجبت الطريقة للإستفاده يعني لمحبي اكلات شرق اسيا
طريقتها سهلة جداااااااااااااااااااااا ومكونتها كمان بسيطة بس هتكون فيها شوية حاجات هنحتاج نشتريها من الماركت لكن طبعا محبي الأكلات دي هيجيبوها اكيد لأنهم هيستعملوها كتير في اكلات تانية زي الصوص مثلا يعتبر موجود في اغلب الاكل الصيني والتيلاندي يعني لما نجيبه مش هيخسر ومش غالي بحوالي 8 ل 12 جنية حسب النوع وبيقعد عندك مده كبيرة
المكونات :
4 أكواب مرق الدجاج
قطع دجاج صدر او ورك حسب الرغبه بدون جلد
قطعه جنزبيل اخضر مبشورة بحجم ليمونتين مثلا : هو لونه اصفر مايل للبياض وموجود ف الاسواق وهيبر وكارفور
1 ملعقة صغيرة من السكر البني
4 سيقان عشب الليمون : موجود مع الزنجبيل في هيبر
عصير ليمون : 2 ليمونه
3 ملاعق كبيرة من الكراث المفروم : ممكن تشتروه من محل الفول والطعميه ب 50 قرش مثلا
2 ملاعق طعام من صوص السمك : موجود في السوبر ماركت الكبيرة اولاد رجب او هيبر
2 ملاعق كبيرة من صوص الفلفل الحار والثوم : هو اسمه بالانجلش : Garlic Chili Pepper Sauce وموجود بردوا ف هيبر
2 ملاعق طعام من الكزبرة المفرومة
الطريقة :
1. نضيف مرق الدجاج (الشوربة ) ، والزنجبيل، والسكر البني وقطع الفراخ (المسلوقه ) في حله ع النار
2. تقطع عشب الليمون ويضع علي جنب للأخر
3. نقشر 6 شرائح من قشرة الليمون ويضاف إلى المرق. ، ويطهى لمدة 15 دقيقة.
4. نشيل قشر الليمون بعد ال 15 دقيقة
5. اخر خطوة : هنضيف عشب الليمون و عصير الليمون والكرات المتقطع و صوص السمك وصوص التوم والفلفل الحار ونسيبهم يغلو غلوتين ع النار
وللتقديم : نحط الشوربة في بوله ونرش عليها الكزبرة الخضرا المتقطعه للتزين 
وبألف هنااااااااا ليكو
منقووول مواضيع هذا القسم برعاية
nunn nunn 1139723_4.gif فتكات حبوبة Fatakat 1139723 المنصورة – مصر