ازيكوا يافتوكاتى ياقمراتى
زى مالعنوان بيقول هقدملكوا شوربة الفريك اللى هتاكلوا صوابعكوا وراها
وبجد ومش ببالغ لانى زمان مكنتش بحبه خالص مالص انما بعد ماعملته بالطريقه دى
بقى ليه طعم تانى وبشهادة جوزى ربنا يخلى لنا كل ازواجنا قولى يافتوكه انتى وهى امين
هسيبكوا مع الطريقه والصور
ف الاول بننقع معلقتين فريك فى شوية مايه مثلا اول ماتصحى م النوم لغاية ماتيجى تطبخى
ودا شكله بعد النقع
بتحطى معلقتين زبده او زيت عادى ف الحله ع النار بس انا بحب الزبده فيرن الموفره اللى عرفتها من الفتوكات
وبعدين تحطى بصله مبشورة وتقلبى لحد ماتصفر
وبعدها يافتوكه تصفى الفريك وتحطيه ع الزبده والتكه الجديده انى حطيت نص معلقة شوفان ابيض
ههههههههههه بس الكلام دا بينى وبينكوا سر يعنى يافتوكات لان جوزى مش بيحب الشوفان خالص
لكنى ضيفته لانى واثقة انه مش هيحس بطعمه ويزود من القيمه الغذائيه
وتقلبيهم عالنار باستمرار حوالى خمس دقايق
وزى مانتو شايفين ضفنا التوابل اللى بنحبها
وبعدين نضيف اى مرقه موجوده عندى انا كنت عامله معاه سمان
فحطيت مرقة السمان وتسبيهم يغلوا كتير لحد مايستتوا ع الاخر
وبيكون شكله كده
وممكن اوى يتقدم بالشكل دا
او تضيفى الكارى ويبقى لونه اصفر
او تعملى زيى وتضيفى الصلصه
ويبقى لونه محمر
وتسبيهم ياخدوا ويدوا مع بعض عالنار
زى كده
وكده خلاص تقدرى تقدميه كده
وياريت لو تزوقيه بالبقدونس هيبقى شكله حلو اوى
وبالهنا يافتوكاتى مواضيع هذا القسم برعاية
ملكتنى ملكتنى 317083_1.gif فتكات متميزة Fatakat 317083 حبى – قلب عشيقى