طريقتى البسيطه فى تدميس الفول
2كوب فول
2كوب قمح مستوى نصف تسويه
3 فصوص توم لو عايزة اكتر حسب رغبتك
ليمونه (عشان الفول ميتغيرش ويبقى اسود)
الاول هتنقعى الفول انا نقعته يوم كامل بعدها ترمى ميه النقع
حطيت الفول المنقوع وعليه التوم والليمونه والقمح المنقوع والبصله وحطيت عليهم مياه
وشغلت النار هاديه عليه
وكل شويه تقلبى فيه لو احتاج مياه تسخنى مياه سخنه وتحطيها
وبعد ما استوى ليه تكه جميله اوووووى بتعطيه احلى طعم وريحه
تجيبى توم مهروس وعليه كسبره ناشفه مهروسين مع بعض قبل ما تطفئ عليه حطى التوم والكسبره الله بقى على الريحه والطعم بجد رووووووووعه
لما يبرد بحفظه فى اكياس واضعه فى التلاجه لاستخدام
اول طريقه ليه فيه
اجيب طاسه واحط فيها معلقتين زيت زيتون واحط عليها شطه حمرا واضع الفول وعليهم الملح وكمون واعصر ليمون
وتأكلى احلى طبق بجد طعمه رووووووووووووعه
مش محتاجه غير دعواتكم ليه يا فتوكات
وانتظرونى باذن الله مع طريقتى مع الفراخ المشويه البسيطه للمبتدائات
مواضيع هذا القسم برعاية
ام نوسو نوسو ام نوسو نوسو 343310_67.gif فتكات غالية قوي Fatakat 343310 ***دمياط*** – مصر