السلام عليكم ورحمة الله وبركاته
ازيكوا اخواتي الغاليات
يارب تكونوا بالف خيييير وصحة وسعادة
أحب اشكر الغالية سيسو زيزو
على اهدائها الرااائع ليا بالفواصل الرقيقة
والنهاردة حبيباتي موضوعنا عن 3 انوااع من الساليزون
تورتة الساليزون المالحة
وسندوتشات الساليزون بالتونة
والساليزون بالباف باستري
واصابع الجبنة بالباف باستري
وهو حسب طلب الغالية bossy cat alex
ويارب يعجبها ويعجبكم حبيباااتي
وبسم الله نبدأ اول صنف
تورتة الساليزون المالحة وهيا عبارة عن كيكة خفيفة اوووي
مالحة محشية بجبنة كريمة او كيري ولانشون وجبنة وزيتون وبتكون راائعة باي مناسبة ان شاء الله
وطبعا بالبيت مش بتتكلف الا تكلفة معقولة
ومن مكونات موجودة بالبيت ان شاء الله
وبالمحلات بجد بتتباع بــ 140 جنيه !!!
بسم الله المقادير
كوبين دقيق منخوول معلقتين كباااار بكينج بودر
وربع معلقة صغيرة بكينج صودا
3 ملاعق كبيرة سكر – معلقة صغيرة ملح
5 بيضات كبيرة
ربع كوب سمسم – ربع كوب جبنة رومي مطحونة تمامااااا بالكبة
نص كوب زيت + معلقة كبيرة زيت تكملة المقدار
ربع كوب مية
ربع كوب زبادي يعني علبة زبادي جهينة 80 جرااااام
معلقة صغيرة بصل بودرة – نص معلقة نعناع ناشف
تغليف وحشو تورتة الساليزون
كوبين جبنة كريمة او كيري
3 ملاعق كبيرة زبدة طرية
3 ملاعق كبيرة جبنة رومي مطحونة بودرة
نص معلقة صغيرة ملح (اختيااااااري )
3 / 4 كوب لانشون بيتي قطع او ممكن نشتريه
نص كوب جبنة شيدر او رومي او اكتر حسب ذوقنا
ربع كوب زيتون اخضر شرااايح
للتزيين
كرنب بنفسجي – جزر مبشور
ذرة حلوة – كاتشب
بسم الله الطريقة
نسمي الله ونخفق البيض والملح بالمضرب الكهربائي
لمدة 3 دقايق لغاية مااا يبقى فيه رغاوي ويرتفع بسيط زي الصورة
وبعدين نحط السكر كله ونخفق لمدة 3 دقايق تانيين والخليط هينفش اووي
ان شاء الله ويبقى كريمي جداااا بسبب السكر
وده شكل البيض لما خفقناه مع السكر كريمي اووي ونافش بفضل الله
وبعدين نحط البصل البودرة والجبنة الرومي المطحونة والزيت
ونخفق يااادوب 15 ثانية بس يتقلبوا
ودلوقتي تقريبا خلصت الكيكة
ونبتدي نحط الدقيق المنخووول مع البكينج بودر والكربوناتو على 3 مرااااات
ودي اول مرة نحط فيها اول دفعة من الدقيق
ونخفق 5 لفات بس بالمضرب
ونحط تاني دفعة من الدقيق زي كده ونخفق 7 لفات بس بالمضرب
وآخر مرة نحط الدقيق الباقي مع الزبادي والزيت والنعناااع الناشف
زي كده ونخفق 15 لفة بالمضرب
ونصب الكيكة المالحة في صينية مدهونة مقاس 26
ونساوي الخليط بالمعلقة زي كده
وندخلها فرن حرارة هادية 160 الى 170 لمدة 35 دقيقة
وبعد 35 دقيقة نفتح عليها ونطفي من تحت ونشغل الشواية عشان الوش يتحمر
ونطفي النار ونقلبها على منخل سلك تبرد بعييد عن اي تيار هوا زي اي كيكة ان شاء الله
وده ارتفاع الكيكة وباين فيها السمسم بفضل الله
ودلوقتي نعمل الحشوة
نخفق الجبنة الكريمة والجبنة الرومي
والزبدة والملح بالمضرب لمدة 5 دقايق
وهينفشوا اوووي ويتضاعف حجمهم ان شاء الله
وبس كده خصلت الحشوة بسرعة اووي بفضل الله
ونقسم الكيكة المالحة نصين بسسسس زي الصورة
وطبعا باين فيها النعناع الناشف والسمسم
ونحط طبقة جبنة كريمة زي كده
وبعدين نرص اللانشون البيتي وفوقه الجبنة وبعدين آخر حاجة الزيتون
ونحط الطبقة التانية من الكيك ونغلف الكيكة المالحة كلها
بالجبنة الكريمة الباقية زي كده ونغلف جوانب التورتة بجبنة رومي مطحونة
وهيا طبعا بديل الفورماسيل في التورتة الحلوووة
مواضيع هذا القسم برعاية
الواثقةبالله الواثقةبالله 168475_5.gif امبراطورة فتكات Fatakat 168475 مدينةالثقةبالله – مصر