السلام عليكم ورحمه الله وبركاته وحشتونى جدا من اخر موضوع وردودكم الجميله اللى تفتح النفس ان الواحد ينزل مواضيع وبشكر كل فتوكه ردت او قيمت او حتى دعت لى دعوه حلوه زيها
النهارده بامر الله دى مشاركتى فى مسابقه قسم مقبلات ومعجنات
حاجه على قدى كدا
والحمد لله فزت بالمركز الاول
بسم الله الرحمن الرحيم نبدأ بالسلاطات
السلطه الاولى كول سلو
هنجيب الكرنب ونفرمه مع جزره مبشوره
ونعمل الصوص بتاعها هو عباره عن مايونيز وسكر وخل ولبن وملح وفلفل وربع معلقه صغيره بصل مبشور ناعم
ونقلبهم وعلى التلاجه اقل حاجه ساعتين قبل الاكل
وبنفس الصوص ممكن نعمل سلطه المكرونه الحلوه وهى عباره عن مكرونه بالزبيب بنفس الخلطه
بس نسيت اصورها معلش
السلطه التانيه سلطه الكرنب بالمايونيز
برضه نجيب الكرنب بس نقطعه كبير شويه
ومايونيز وخل وشويه لبن وملح وفلفل بس ويقلب وعلى التلاجه عدل
وبنفس الصوص برضه هنعمل سلطه البطاطس بالمايونيز بس هنزود شويه زعتر جاف
كدا السلاطات خلاص انا اشتريت بقى بنجر جاهز معاهم
نيجى بقى للحشوات
اول حشوه عملتها حشوه الحوواوشى
لحم مفروم وفلفل رومى واللى يحب فلفل حامى وطماطم وبصل كله يتفرم مع بعضه مع ملح وفلفل
الخلطه التانيه لحم مفروم بالخضروات
نجيب اللحمه المفرومه ونحطها على النار مع شويه زيت
بعد مل تستوى نحط ملح وفلفل وتوم بودر وبصل بودر وزعتر جاف
بعد كدا نحط الخضار اللى تحبيه انا حطيت فلفل وزيتون وطماطم
وكمان كنت عامله لانشون بيتى
دى بقى الحشوات مع بعض
العجينه بقى
نوعين من العجين
الاول العشر دقايق والكل عارفها اكيد بس انا نقصت من المقادير نص كوب دقيق وحطيت بداله دقيق سميد وزودت عليها بصل وتوم بودر وزعتر جاف
مواضيع هذا القسم برعاية
11mony 11mony 97400_1.gif فتكات ست الكل Fatakat 97400 ALON – eldonya