بسم الله الرحمن الرحيم
السلام عليكم ورحمة الله وبركاته
عملت النهاردة سندويتشات جبنة رومي سخنة الجاهزة بس انا عملتها في البيت ومش عندي الجهاز بتاعها اخترعت انا الجهاز بما ان الساندويتش الجاهز ب4.5 ج قولت لنفسي ليه مجربش اعملها وهوفر كتيييييييير وانضف طبعا والله فكرت ونفذت وسهل جدا ووفرت كتير جدا والله جبت ب3ج عيش و ب6ج علبة جبنة شيدر وب5ج جبنة رومي يعني المجموع 14ج عملت 9 رغيف عيش لو كنت اشتريتهم جاهزين كانوا هايبقوا 40.5ج وفرت 26.5ج وزيه بالظبط طبعا انا استفدت كتير من المنتدي الروعة دا قولت انا كمان لازم افيدكو بحاجة بسيطة
كفاية رغي بقي واقولكم الطريقة
رغيف عيش حواوشي بيبقي نص سوي وبيبقي تقيل شوية
جبنة رومي جديدة لازم مش ينفع قديمة
جبنة شيدر وقطعتها شرائح رفيعة جدا
طماطم وفلفل اخضر مقطعين ناعم وزيتون اسود مخلي ودول لعمل نوع ساندويتش اخر
ومعلقة سمنة كبيرة او ممكن زيت
زي الصورة كدة بحط الجبنة الرومي والشيدر بوزعهم في الرغيف دا نوع سادة
ودا نوع تاني حطيتالرومي والشيدرعادي بس حطيت عليها الطماطم والفلفل الاخضر والزيتون
دابقي الجهاز بتاعي جبت صنيتين واحدة مقاس كبير والتانيه اصغر منها شوية وطبعا تبع الحاجة اللي موجودة عندك انا بوضحلك الفكرة
بسخن الصنية شوية وبدهن الصنية سمنة وبدهن وش الرغيف واحط الرغيف زي اللي في الصورة علي اصغر عين في البوتوجاز واهدي النار خالص علشان الجبنة تسيح والغيف مش ينشف
بحط عليها الصنية التانية واضغط عليها واقلب الرغيف من حين الي اخر الي ان يحمر والجبنة تسيح
زي دا اوتبع ماتحبي عايزاه بيقرمش سبيه شوية عايزاه طري اما يحمر والجبنة تسيح طلعيه ولفيه في حاجة علشان مش ينشف
ودي فكرة تانية اي صنية عندك وانا اخترت اللبانة دي لانها تقيلة
ودا شكله بعد ما اتحمر وخلص
دا اللي بالجبنة الرومي والشيدر بس
ودا اللي بالرومي والشيدر والطماطم والفلفل الاخضر والزيتون طعمه جميل زي الكريب اللي بالجبنة
صورة اوضح انا ليا بركة الا انتوا
دا التقديم المتواضع بتاعي اتفضلوا كلوا معانا
اي استفسار انا طبعا تحت امركم ومتنسوش التقييم والا هاخد علي خاطري مواضيع هذا القسم برعاية
براعم2016 براعم2016 236293_5.gif فتكات رائعة Fatakat 236293 دمياط – مصر