ازيكم يافتوكااات تكونوا بخير دايما حبيباااااتى
الموهيم امبارح بالليل كدا على الساعه 8 البنات قالولى يلا ياماما عايزين نتعشى
قولتلهم بس كدا احلى عشا ياحبايبى اتفرجو على توم وجيرى وثوانى وجايه
وشمرت ودخلت المطبخ طبعا ده عشا غير عشا والدهم العزيز اللى بييجى الساعه 12
فبجهز مرتين
المهم سيبكم من اللوكلوك ده كله
قلت اعمل ايه اما اشوف كدا
الاول عجنت كوب ونص دقيق
+نصف معلقة بكنج بودر
+معلقة خميرة بيرة قد البندقه كدا علشان البودر
+2 معلقة سكر+ربع معلقة ملح
+3 معلقة زيت
نص كوب او تلات ارباع الكوب لبن حسب العجينة
بحط كله فى العجانة وانزل باللبن حبه حبه
لغايه ماتتماسك كدا واسيبها تخمر
واحضر الحشو اللى كاااااااااان
عندى فى الثلاجة ورك فرخه بحاله اصل انا بقسم الفرخة لان زوجى مابيحبش الفراخ
من برا خاالص فالفرخه بتكفينى انا والبنات بس كذا اكله يعنى(البت موفره)
بما اننا 3 افراد منهم 2 صغننين اكلهم مش قد كدا يعنى فعملت دبوس الفرخه بس لاقيته كبير بصراحة
خليته وقطعته قطع صغيرة علشان يستوى بسرعه
وكان عندى لحمة مفرومة اخدت منها حته
وكمان كان عندى برجر اخدت واحدة منه
قطعت بصله صغيرة وحطيت الفراخ الاول وعليها ملح ومعلقة صلصة وبهارات لحمة
وفلفل اسمر وجوز الطيب وسويتها بمعلقتين زيت على النار وزودت شويه مايه صغيرين علشان
تستوى كويس ولما بقت تلاث ارباع سوا كدا حطيت معاها اللحمة والبرجر
العجينة خمرت بعد نص ساعة وابتديت اكورها كور صغيرة
وافرده واحشيها بالحشوة اللى ريحتها كانت جامده جدا جدا
وعملت منها اشكل زى كدا
وسبتها ترتاح حوالى 10 دقايق كمان
وكنت وقتها سخنت الفرن
ودخلتها ودى لما طلعت
ودى من جواااااااا
كدا خلصت مش طالبة منكم غير دعوة ليا ولزوجى وبناتى بالهدايه وصلاح الاحوال
لو عجبك موضوعى يافتوكة واستفدتى منه بالله عليكى قيمى علشان حد تانى يستفاد
مواضيع هذا القسم برعاية
ام ملك ومنه وهيما ام ملك ومنه وهيما 575184_3.gif فتكات رائعة Fatakat 575184 عش الزوجية – قلب حبيبى