بسم الله الرحمن الرحيم
السلام عليكم ورحمة الله وبركاته
كلنا عارفين الفول المدمس العادي
وبنحبه وبنعرف نعمله
لكن مش الكل عارف الفول الابيض المدمس
مع ان طعمه احلى كتير من الفول العادي
وكمان خفيف جدا على المعدة
وطريقته اسهل ما يكون
كالعادة الطريقة والمكونات بالصور
والله المستعان
بسم الله
2كوباية فول ابيض منقوع 6ساعات
مع نص كوباية قمح منقوع برضو
نغليهم ونهدي عليهم النار ونسيبهم ساعة يستووا
لحد ما الفول يدوب والقمح يفتح من بعضه
وكده خلاص استوى
لازم مش يكون ناشف ويكون عليه ميه كتير
يعني ضعف الفول تقريبا
ممكن تعملي كمية كبيرة وتفرزيها
او تحطيها في التلاجه
ااتحضير
سهل جدا
يادوب ملح وكمون وزيت مقدوح
وتهرسيه كويس
وبس خلاص
انا حطيت نص معلقة صلصة فلفل حراق
بحبه كده
انتي ممكن تتفنني فيه زي ما تحبي
ممكن تدلعيه وتعمليله توم او فلفل اخضر
يعني حسب الرغبة
وطعمه بيكون تحفه وموفر ولذيذ
ودا شكله في الاخر
ممكن تعملي معاه بتنجان
جربيه وهتدعيلي
ومتنسوش التقييم حسب رأيك
ولا تنسوني من صالح دعاءكم
بتيسير حملي وولادتي
احبكم في الله
مواضيع هذا القسم برعاية
om rana2017 om rana2017 فتكات غالية قوي Fatakat 166849 بعيد عن مصر – الغربة