السلام عليكم ورحمة الله وبركاته
والصلاة والسلام على خاتم الانبياء سيدنا وحبيبنا
**محمد**عليه افضل الصلاة واتم التسليم
ازيكم حبيباتى ادعوا الله ان تكونوا بالف صحه
زى العنوان ما بيقول الصورة دى كمان ممكن تقووووول
ده بقى طبق الكشرى بالعدس الاصفر يلا ندخل على مقاديره
1/4كيلو عدس اصفر
1كوب ارز-كيس مكرونه اسباجيتى
5بصلات مكعبات
5طمطمات معصورين
زيت-ملح-فلفل اسود-كمون-ثوم
نيييجى بقى للطريقه السهله البسيطه
طبعا هنغسل الارز وننقعه شويه لغاية لما نعمل التقليه
نجيب الحله اللى هنسوى فيها الكشرى ونضع فيها الزيت والبصل ونفضل نقلب فيه لغاية لما يبقى لونه بنى فاتح ونطلعه على ورق المطبخ علشان يتشرب الزيت الزائد
نفرم الثوم ونضعه فى شوية زيت صوغننه
ويادوب يصفر ونضع عليه الطماطم المعصورةوالملح والكمون ونتركها شويه على النار لما قوامها يتقل شويه
بعدين نغسل العدس ونصفيه كويس ونضعه مكان البصل ونضع عليه الملح والفلفل وكمون ونقلبه ونزوده كوب ماء ولما يغلى غلوة واحده نصفى الارز ونضعه عليه ونقلبهم كويس مع بعض ولما يتشرب الماء نوطى النار اوووى عليه لما يستوى ومش بياخذ اكثر من ربع ساعه على النار بعدين
وكمان نسلق المكرونه ونصفيها وبعدين نشوحها فى ملعقة زيت ورشة فلفل اسود وملح
كده كله جاهز عندى نجهز الطبق
نغرف الاول الارز بالعدس ثم عليه المكرونه ثم الصلصه وعلى الوش نضع التقليه اللذيذة**وكلى وادعيلى
وده طبق للفتوكه اللى هتقيم احلى تقييييييييييم
ايه رايكم بقى مش بجد يستحق التقييم
يلا اتركم فى رعاية الله وامنه
مواضيع هذا القسم برعاية
منافسه&حب منافسه&حب 911770_2.gif فتكات رائعة Fatakat 911770 cairo – ام الدنيا
سبحان الله و بحمده