السلام عليكم ورحمة الله وبركاته
ا
زيكم يا فتوكات يا جميلات
انا اول مرة انزل طبخه من ايدى وبالصور كمان يا رب تعجبكم
انا فى يوم كنت منزله موضوع بسال فيها عن عجينة الحواوشى الاسكندرانى وكتر خيرهم بصراحه مقصروش معايا الفتوكات انا بقه ايه قعدت اجمع الوصفات كلها لقيت العجينه سهله جدا بس انا اخدت شويه مكونات من هنا وشويه من هنا وشيلت ده وحطيت ده وطلعت جمييييييييله جدا مش هطول عليكو وادى المكونات بس ما بحبش اخد المقادير بالظبط انتى ظبطى كده ع اد الكميه ماشى
للعجينه
كيلو دقيق
علبة زبادى
تقريبا 3 ملاعق زيت او سمنه
ادهم لبن بودرة او حليب براحتك بس ابقى دوبى البودره فى حبة مايه صغننه خالص
ملعقه خميرة انا مش بحب الفورى فجبت التانى من الفرن
ملعقه باكينج بودر
ملح وفلفل وشويه سكر للخميرة
ماء دافىء للعجن
الطريقه
انخلى الدقيق مع الباكينج بودر وع طول ع العجانه وحطى عليهم الملح والفلفل
وتكونه حطى الخميرة مع السكر فى ربع كوب ماء دافىء
وتخلطى معاهم باقى المكونات الزبادى واللبن والزيت والخميره ولو احتاج مايه زودى شويه شويه ماء دافى لغاية ما العجينه تلم معاكى فى المضرب وتبقى عجينه لينه مش بتلزق ف ايدك بس ادهنيها بشويه سمنه وغطيها وحطيها فى مكان دافىء لغايه ما تخمر معاكى زى كده
نحضر بقى الحشوه وهو حشوة السجق وممكن لحمه بنفس الطريقه بس تضيفى بقدونس ومعلقه طحينه اما السجق فهو معاه الطماطم والبصل مقطع صغير وفلفل الوان وبهارات الحواوشى مع الملح طبعا
تخلطيهم كويس مع بعض …
وبعدين هنفرد العجينه بالنشابه ونفرد عليه شويه من الخلطه مش كتير
وبعدين نفرد عجينه تانيه اصغر وارفع من الاولانى عشان نغطى ونقفل كويس
وبعدين نكرر العمليه ع العجينه كلها او تغير اشكاله براحتك ونرصهم فى صينيه وع الفرن ع طول
بس وطلعيه من الفرن ويتقدم مع مخلل وشيبسى
جربوها هتعجبكو بالهنا والشفا مواضيع هذا القسم برعاية
بروماس بروماس 483523_2.gif فتكات هايلة Fatakat 483523 الهرم – مصر