السلام عليكم ورحمة الله وبركاته
النهاردة باذن الله حبيت اشاركوا (اشارككوا) ايا كان يعني
الفطيرة دي اول مرة اعملها وكنت شوفت فتوكة عاملاها هنا بس للاسف مش فاكراها عشان اشكرها
والنهاردة والحمد لله نفذتها وطلعت توحفة ونبدا بسم الله
اولا مكونات الفطيرة
2ونص كوب دقيق
علبة زبادي
رشة ملح
معلقة خميرة فورية
ربع كوب ماء دافي للعجن او ازيد حسب نوع الدقيق
معلقتين زيت
معلقة زعتر (لو مش حباه عادي بس هو يجنن في الاكل)
تقومي بخلط جميع المكونات لحد اما العجينه ماتلزقش في ايدك وتبقي حلوة وطرية ودي صورتها بعد العجن
وتسيبيها ترتاح من ساعة ل ساعة ونص
في الوقت ده تقومي تعصجي اللحمة المفرومة وطبعا سهل (بصل _ ملح _ فلفل اسود )
وبتقطعي الاتي
فلفل شرايح رفيعة _ طماطم _ جزر مبشور _ (ممكن جبنة مبشورة بس انا مش بحبها )
وبعد ما خمرت العجينة وكله تمام بنقسمها ل 3 قطع
ونفرد اول قطعة وتحط عليها اللحمة الاول وبعدين الفلفل الاخضر وبعدين الجزر وبعدين الطماطم زي كدة بالظبط
وبنطبق الطرف التاني عليها ونقفله كويس وهيبقي شكله زي الساندوتش بالظبط
وندهناها من فوق بالبيض وعليها رشة زعتر خفيفة وممكن كمان رشة سمسم بس ملقيتش بقي
ونحطها في صنية مدهونة زيت خفيف في الفرن حوالي تلت ساعة ونفتح عليها الشواية سنة بسيطة
وده شكلها النوهائي
يارب تكون عجبتكوا , والاقي حد يعبرني ويرد عليا حتي بدعوة صغنونة خالث
ويااااااه لو قيمتولي الموضوع هديكوا طبق وعليه بوسة 
مواضيع هذا القسم برعاية
^_*cute girle ^_*cute girle 569386_16.gif سوبر فتكات Fatakat 569386 cairo – مصر