السلام عليكم ورحمة الله وبركاته
عملت سمك مشوي ورز بالجمبري وشوربة جمبري روعه
وطعمها لايقاوم
تعالو شوفو
السمك المشوي
اي نوع سمك ينفع يتشوي
بعد ما غسلت السمك غطيته بالرده ورصيته يتشوي
بعد الشوي كنت مجهزة تتبيله له كانت عباره عن
تلات فصوص توم مقطعه شرايه ومنقوعه في زيت زيتون وملح لمده ساعه
وكمون وكسبرة ناسفه وسبت ناعم وملح ولمون وخل
وقطعت فلفل اخضر ورصيته على السمك بعد ما حطيت التتبيله
اما الشوربة فاحتجت نص كيلو جمبري صغير
بصله مفرومه ناعه معلقه توم مفروم زيت ريتون
كوبايه كريمة لباني شبت مفروم وملح وفلفل اسمر
بعد ما حمرت البصل شويه في زيت الزيتون ضفت الجمبري
وبعد ما غلى شوية ضفت كوبايتين ميه وسبته 5 دقايق يستوي
وضفت التوم المفروم والملح والفلفل الاسمر وبعدين الكريمه اللباني
وسبته يغلي دقيقة واحده وبعدين الشبت المفروم في الاخر خالص
اما الرز بالجمبري
احتجت كوبايه جمبري صغير
كوبايتين رز ميه وبصله مفرومه لكن مش ناعم قوي
وملح وزيت لز سمنه
سبت البصله تتحمر لحد مابقى لونها بني وبعدين ضفت الجمبري
وخليتهم يستوو مع بعض دقيقتين وبعدين ضفت الميه
وبعد ما غلت نزلت الرز والملح
ولما غلى هدين النار تحته وسبته لحد ما استوى
وطبعا اكلنا الاكل كله بالف هنا
مستنية رايكو
يارب يعجبكم
ومتنسوش التقييم يا قمرات مواضيع هذا القسم برعاية
om rana2017 om rana2017 فتكات غالية قوي Fatakat 166849 بعيد عن مصر – الغربة