صباح الفل عليكو يا قمرات
جايبالكو طريقة عمل طاجن جمبري رووووووعة والله واللي جربوه عجبهم مووووووووووووت
بس معلش من غير صور وحدة شطورة كده ممكن تبقى تبعتلي ازاي احمل الصورعشان انا عن نفسي بحترم جدا المواضيع اللي بصور
نخش في المفيد
المقادير
جمبري مقشر ونضيف ومعصور عليه ليمون ويفضل لو كبير او وسط
فلفل الوان
شبت بقدونس كسبرة خضرا
بصل متقطع صغير وتوووم مفروم وطماطمايه مقطعة مكعبات وبهارات
الطريقة
في طاجن او صينية اللي يعجبك شوحي البصل والتوم لحد ما يدبلو
انزلي بالجمبري بعد ما تصفيه من اللمون ونقلب تقلبتين لحد ما الجمبري لونه يتغير
وبعدين حطي الفلفل الالوان قطعيه شرايح طوليه كده وبعدين الطماطم وبعدين زودي ميه وحطي صلصة او عصير طماطم اللي يريحك يا قمر منك ليها
وبعدين حطة الخضرة الجميلة وبهاراتك ملح فلفل اسود كمووون كسبرة
بس يا اوختي وشمي احلى ريحة لاحلى طاجن وخليه يغلي غلوتين كده ع البوتاجاز من فوق وبعدين ازنقيه في الفرن يكمل سواه بس خدي بالك لو احتاج ميه زوديه بس بكميه معقوله يعنني الصوص لا يبقى صايص اوي ولا تقيل اوي
وممكن تحمري وشه في الاخر بس محتاج والله بيكون شكله يا بنات نحفة روووعة وطعمه وريحته اروع والله عجب جوزي جدا وكان مبسوط اوي وكان عامل كدهوقعد يقولي تسلم ايدك وانا كنت عامله كده
ما انتو عارفين بقى لما ابو الهووول ينطق
واعملي جمبه اي رز بنحبيه رز سمك اي حاجة انا عملت معاه رز بسمتي ابيض عادي وحطيت عليه رشة كركم وكاري وشويه بقدونس وكسبرة خضرا وملح طبعا وطلع رائع ولونه مخضر وتحفة والله كان نفسي اصورلكو الليلة دي
جربوه بقى وابقو قولولي رايكو
ونفسي مرة مرة يا فتكات اشوف تقييييييييييم لموضوعي
بحبكو كلكو
لا اله الا الله محمد رسول الله
اللهم صل وسلم وبارك عليك يا حبيبي يا رسول الله مواضيع هذا القسم برعاية
zozo nono zozo nono images/flowersavatars/avatar0033.jpg فتكات هايلة Fatakat 525503 مدينة الله – بلاد الله
سبحان الله و بحمده