السلام عليكم ورحمة الله وبركاته …
طبعا كلنا بنحب الجمبري لما بتكون عندي عزومة بعمل الجمبري بالطريقة دي وبتعجب الكل الحمد لله طبعا حجم الجمبري بيكون كبير مش صغير الجمبري اللي الكيلو بتاعه بيبقا من 60 الي 80ج الطريقة بقا :
قد ماانتي عايزة من الجمبري نغسله كويس ونسيبه يتصفا وبعدين نقطع بصل جوانح حوالي 3 بصلات أو على قد الجمبري ونقطع بردو طماطم أنصاص مش رفيعة أوي وفلفل ملون أخضر وأصفر وأحمر نحمر البصل يدبل شوية نحط عليه الفلفل بردو يدبل شوية بس مش قوي عشان مايتهريش نحط بعد كده الجمبري نسيبه يستوي بس أنا بخلي ماسك نفسه مش بحب الجمبري مهري وبعد كده نحط الطماطم ونحط بقا معلقة كزبرة ناشفة وكمون وشوية قرفة وملح وفلفل أسود وممكن شوية كاري بسيط أوي عشان اللون والنكهة لو تحبي أو ما الطماطم تبدي تدبل نطفي عليه أهم حاجة انك ماتهريش أي حاجة تبقا كل حاجة محتفظة بشكلها ولما تيجي تقلبيه انطريه بالحلة بس بلاش تقليب المفتأة هههههههههه وبعد كده نغرف في الطبق او لما بيكون عندي ضيوف بحط لكل واحد شوية في كاس من الكاسات الواسعة من فوق زي بتاعت الفروت سلاد كده وبترشي على الوش شوية بقدونس وبالهنا والشفا … مواضيع هذا القسم برعاية
أم صهيب06 أم صهيب06 274272_2.gif فتكات متميزة Fatakat 274272 السويس – مصر