السلام عليكم ورحمة الله وبركاتة
ازيكم يا بنات … فرحت جدا بتشجيعكم ليا فالموضوع اللي فات ..فقررت انزل موضوع تاني لوصفة سهلة وبسيطة ويارب تعجبكم
الأكله عبارة عن مندي بالفراخ وسلطة فاصوليا حمرا بالمايونيز ..نقول بسم الله ونبداء بصورة تشجيعية :
اولا مكونات المندي : بصله / رز بسمتي علي عددكم / زيت / 2فص حبهان شوية كركم جنزبيل قرفة ورق لورا قرنفل
فراخ علي عددكم مغسولة كويس جدااااا ومتبلاها كأنك هتشويها بالتتبيله اللي تريحك طماطم وبصل مبشورين
ومعاهم توابل وملح وفلفل كويس جدااااااااااا
الطريقة :
هنحط حله عالنار وفيها شوية زيت وبعدين هتقطعي البصلة وتنزلي بيها وتقلبي تقلبتين يادوب تدبل وتبقي لسه هتصفر تقومي نازلة بالتوابل بتاعت المندي اللي قلنا عليها فوق وتقلبي وبعدين تنزلي بالرز البسمتي المغسول وتقلبي
تكوني محضرة معيار المايه او المرقة اللي هتسقي بيها الرز وتكون سخنة لاااااازم تضيفيها للرز وتظبطي ملحك وخلاااص كله تمام ..هتكوني محضرة صنية فرن او بايركس وتصبي فيه الرز البسمتي اللي لسه ضايفين ليه الشوربة او المايه علشان هيستوي فالفرن
وبعدين تغطيه بورق فويل كويس اوووي وتعملي فيه ثقوب بالشوكة .. وبعدين ترصي الفراخ اللي تبلناها عالفويل زي كده
فايده الثقوب اللي عملناها انها هتخلي السوائل اللي هتنزل من الفراخ تتجمع عالرز وتدي طعم حلو
هنغطي الفراخ كمان بورق فويل زي كده
وندخلها الفرن لمدة 45 دقيقة تقريبا وعلي حسب سوا الفراخ والرز ..لما تستوي تشيلي الغطا الفويل عن الفراخ علشان لونها يحمر
ودي شكلها اول ما طلعتها من الفرن .. لو ركزتوا هتشوفوا السوايل اللي نزلت من الفراخ علي وش الرز
سلطة الفاصوليا الحمرا بالمايونيز :المكونات فالصورة
هنقطع الكابوتشا ونضيف عليها الفاصوليا الحمرا والذرة الصفرا والمايونيز وممكن تقطعي بصله صغيرة اختياري /وحبه سكر وملح وفلفل وبوق خل 
وتحطيها فالثلاجة شوية .
وده الشكل النهاااااائي للأكل
يليق مع الأكله دي بطاطس محمرة او شيبسي .
والف صحة ليكم يا بنات …في حفظ الله . لو عجبكم الموضوع افتكروني بدعوة حلوة بظهر الغيب . مواضيع هذا القسم برعاية
Soso aboali Soso aboali images/flowersavatars/avatar0029.jpg فتكات هايلة Fatakat 1210277 القاهرة – مصر