[b][i][color="#8B0000"][size="5"][font="Arial Black"]
انا كنت نزلت الموضوع من فتره هنا والصور مترفعتش وحصل لغبطه
وبعتذر عن التاخير فى انى انزله تانى
الفرخه المشويه بخلطه الزبده والتوم
ان شاء الله الفتره الجايه نعمل ملف للفراخ المشويه باكتر من طريقه وتتبيله وفى كل مره هتحسى انك بتاكلى طعم مختلف ولذيذ ان شاء الله
وهقولكم على طريقه من الطرق دى وهى الفراخ المشويه بخلطه الزبده والثوم بجد ماشاء الله هااااااااااااااايله وكمان مش بتحتاج مجهود وتشرفك فى اى عزومه
زى مااتعودنا ناخد صوره لزوم التجويع
المقادير:
فرخه كامله مغسوله ومتنضفه كويس
التتبيله بقا :
علبه زبادى+بصله+طماطمايه +ملح وفلفل+2م ك خل+زعتر
وتضربى ده كله فى الخلاط لغايه مايبقى ناعم جداااااااا
اهم حاجه بقا هو انك تفصلى مابين لفرخه والجلد براحه فى كل الاتجاهات من غير ماتقطعيه علشان التتبيله تبقى جوه الفرخه وبعدين تحشى الفرخه بالتتبيله اللى قولنا عليها كويس جدااا ونضمن اننا دخلنا التتبيله فى كل الجوانب
وبعد ماتبلنا الفرخه كويس نشيلها فى التلاجه حوالى 4 ساعات علشان الفرخه تاخد من طعم التتبيله كويس ولغايه مالفرخه تتبل كويس فى التلاجه
نجهز للتكايه بقا اللى هتفرق فى طعم الفرخه جدااااا
تابعوا معايا
التكايه بقا اللى هتفرق معاكى فى شكل ومضمون الفرخه وهتخلى ليها نكهه مميزه
هى خلطه الزبده بالثوم
طريقتها
زبده بدرجه حراره الغرفه وطبعا فى الجو ده تدخليها الفرن شويه من غير ماتسيح يدوب تطرى
-تجيبى حوالى 3فصوص توم مفروم كويس على حسب كميه الزبده والتوم هنا تقديرى
يعنى عايزين نكهه التوم تبان بس متبقاش اووفر يعنى
-ونجيب حوالى معلقتين بقدونس
ونخلط كل ده بالمضرب الكهربا لغايه مايبقى القوام كريمى وتمتزج كل المكونات مع بعضها
وهنا بعد ماخلصنا ضرب الزبده بالمضرب هنا خلاص بقت جاهزه
نجيب كيس نايلون ونقطعه ونفرده او بلاستيك راب
ونحط فيه كميه الزبده ونلفه رول بايدينا ونشكله اسطوانه ونحطه فى التلاجه لجين الاستخدام
ده شكلها بعد ماخرجت من التلاجه نقطع منها قطع صغيره بالسكينه
حوالى 6 قطع صغيره ونيجى بقا علشان نعمل تكتنا فى الفرخه
استنوا قبل مانروح للفرخه عايزه اقولكم هنعمل ايه تانى بالزبده دى
دى انا بعمل منها كميه فى التلاجه بتبقى نكهتها مميزه ممكن تعملى بانيه مشوى او استيك مشوى واول مايستوى وهو سخن تضيفى عليه مكعب زبده من ده واااااااااااااااااااااو بقا وهى بتسيح عليه ولا الريحه الجنان اللى هتطلع والطعم كمان فوق الرائع بجد جربوها حلووووه اوو ماشاء الله
بعد مالفرخه اتبلت كويس قبل ماندخلها الفرن نحط بين الجلد قطع زبده ونوزع على جوانب الفرخه كلها فى كل حته عند الورك والصدر ونضغط على الزبده بايدينا علشان نفردها على لحم الفرخه كويس وفى الاخر نحط قطعه على الوش ندهن بيه الجلد من فوق
#ملحوظه
الزبده هنا بتدى طراوه جميييله للفرخه ونكهه مميزه كمان ولون بيلمع ومحصلش
وندخلهاعلى فرن ساخن
اول ربع ساعه درجه حراره عاليه وبعدين نهدى النار ل180 درجه فى الرف الاوسط ولما تستوى شغلى الشوايه
ولغايه مالفراخ تستوى هنحضر البطاطس بالكسبره
البطاطس بالكسبره:-
-بطاطس مقطعه مكعبات صغيره
-كسبره خضرا
-معلقتين هريسه شطه
-3فصوص توم مفرومين ناعم
ملح وفلفل وكمون
الطريقه:-
اول حاجه بحمر البطاطس فى زيت
بحضر طاسه فيها معلقتين زيت وعليهم التوم واشوحهم شويه من غير مايحمر يدوب نكهته تطلع بس
بنزل بعديها علطول بالكسبره الخضرا وهريسه الشطه
ويدوب تشويحه واحده (علشان الكسبره متسودش منك وتنشف) وانزل علطول بالبطاطس وتقليبه واحده واقفل عليها النار واسيبها تمتزج المكونات مع بعضها وبالف هنا
وده شكل الفرخه بعد ماطلعت من الفرن ماشاء الله تجننننننن شكلا وموضوعا ادهنيها بفرشه بالصوص اللى بيطلع منها ومش عايزه اقولكم طعمها اد ايه لذيذ
وطبعا ملبسه الفرخه شوز (الفويل) علشان كان عندى صحبتى
وانا معنديش فراخ تتكشف حافيه على اغراب
لو عجبتكم الطريقه اتمنى انكم تجربوها ومش عايزه غير دعوه حلوه بظهر الغيب ان ربنا يقر عينى بما اتمنى ويبعد عنى وعن اهلى اى ضرر ويباركلى فيهم وميشمتش فينا حد ابداااااا
فى رعايه الله يافتوكات مواضيع هذا القسم برعاية
angelsmile2311 angelsmile2311 963758_5.gif فتكات رائعة Fatakat 963758 my home – egypt