السلام عليكم يا فتوكات يارب تكونوا بخير ان شاء الله كل سنه وانتم طيبيبن بمناسبه المولد النبوي الشريف
النهارده ده يا فتوكات عملت اختراع كده بس بجد طلع تحفه اووووووي والله لو جربته هيعجبكم بس مش تنسوا اللي تجربه ويعجبها تدعيلي بلله عليكوا
انا كل مره لما بعمل كفته طبعا مش عندي شوايه اللي هي بالفحم دي علشان اعملها عليها وبرضه بحب اوي نكهه الكفته اللي علي الفحم فقولت طيب انا هجرب حاجه يمكن تطلع حلوه والحمد لله عملتها والله البيت كله كانت ريحته مفحفحه وجارتي اللي تحت طلعت تديني حاجه قالتلي الكفته اللي انتي كنتي بتشويها كانت قالبه ريحة البيت وماما بقي مش اقولكم بقت مبسوطه اووووووي
المهم بقي ايه ده انا رغايه اووووووووووي ندخل في الموضوع
مقادير الكفته:
–لحمه مفرومه (حسب الكميه اللي عاوزاه)
-بصله كبيره مبشوره
-3فصوص ثوم
-ملح وفلفل وشطه
-بصل بودره
-ثوم بودره (وطبعا دول ممكن تستغني عنهم لو مش عندك وماشي حالك)
-ملعقه كبيره كاتشب
-ولو عاوزه تزودي القيمه الغذائيه للاكله حطي بيضه
-وممكن بقي شويه بقدونس
-ملعقه كبيره دقيق بقسماط
بعد كده هتخلطي المكونات دي كلها مع بعض كووووويس ويتدي تعملي الاشكال اللي بتحبيها يعني عاوزاه مدوره عاوزاها زي البرجر
اعمليها صوابع في الخله بتاعت الشيش طاووق او معلقه زي ما تحبي بقي
وبعد ما تخلصيها حطيها في اي حاجه ودخليها التلاجه حوالي ساعه ساعتين
وبعدين بعد ما تطلعيها تدهني الصينيه زبده وترصي الكفته بتاعتك
وتدخليها الفرن عادي زي ما بتعمليها كل مره
طبعا هتقولي ايه البت دي جابت ايه جديد يعني ما كلنا بنعملها كده اومال ايه الفشر ده وقلبت ريحة البيت والكلام ده
هقوووووووووولك اصبري علي رزقك علشان هقولك علي زتونة الموضوووع
المهم بقي الكفته هتاخد حوالي ساعه الاربع كده
قبل ما تخلص بشويه تكوني مجهزه حتتين فحم اااااه فحم وتحطيهم علي النار علي البوتاجاز وتولعي فيهم ههههههه
المهم بعد ما تولعي فيهم تقومي مخرجه صينية الكفته قشطه
وتقومي عامله ايه بقي
تجيبي قشرة بصله كبيره كده حلوه وتحطيها في وسط صينية الكفته في النص هاااااااا
حاطيطي القشره في النص تقومي حاطه علي قشرة البصله دي حطة زيده كده وتقومي حاطه الفحم علي حته الزبده فوق القشرق وتحطي حته زبده تاني علي الفحم من فوق
هتلاقيهااااااااااا ايه طلعت دخاااااااااان ريحته تجنن
تكوني قبلها مجهزه غطا محكم للصينيه واول ما الدخان يفحفح كده تقومي مغطيه الصينيه بتاعت الكفته كويس اوووووووووووي وتسبيها دقيقتين كده
علي ما تغرفي باقي الاكل ممكن تعملي معاها مكرونه بقي وسلاطه وبطاطس محمره اي حاجه براحتك بقي وتقومي شايله الغطا من علي الصينيه وشمي ريحه الكفته ودووووووقي بس اوعي تنسينس وتقعدي تاكلي وتنسي تدعي لاختك الغلبانه
يالا مش خساره فيكوا يا قمرااااااااااات
اوعوا تنسووووووا تقييموا وتدعووووووووووولي ان ربنا ييسرلي اموووور زواجي ان شاء الله وخطيبي يلاقي شغل بدل اللي كان فيه
ان كده خلصت يا فتوكااااااااااااات
اوعي تنسي التقييم منك لها هاااااااااا
بحبكم في الله
مواضيع هذا القسم برعاية
basbosa mohamed basbosa mohamed 793289_3.gif فتكات هايلة Fatakat 793289 cairo – egypt