النهارده يا قمراتى عملت فراخ محمرة ف الفرن مع رز بالزعفران والزبيب وجمبهم عملت سلطه خضرا وسلطه ثوميه
ودى ايد لولو بنتى الشيطانه هههههههههههههههههههههههه
تبلت الفراخ شطه – ملح – كارى – بهار – فلفل اسمر – خل – ثوم بودره (سبتها ليله ف التلاجه )
– جبت حله الرز حطيت فيها زيت ذره وواحده ماجى وقرفه عيدان – وورق لورا
وشوحتهم مع الزعفران او الكركم اللى موجود عندك ولما الريحه طلعت شويه ضفت الفراخ شوحتها شويه وشلتها من الحله ودخلتها الفرن
ومكان الفراخ ف نفس الحله ضفت الرز المغسول مع الزبيب والجزر المبشور والملح وضفت الميه للرز
هنا الفراخ دخلتها ف الشبكه اللى ف النص للفرن وتحتها صينيه فيها ميه وقرفه عيدان وحبهان
عملت سلطه ثوميه وسلطه خضرا
سلطه الثوميه
3 فصوص ثوم ( او ازيداو اقل حسب الكميه انا بس كنت عامله طبق صغير )
بياض بيضه – معلقه خل – معلقه مايونيز – زيت (معرفش المقدرا حطى لحد ما تحسى القوام تمام )
ملح – معلقه صغيره اوى زبادى – رشه شطه وكمون لو بيتحبيها مشطشطه شويه
الطريقه
ضفت الثوم صحيح ف الخلاط مع معلقه الخل وبياض البيضه
والملح وضربتهم كويس واثناء الضرب والخلاط شغااااال من الفتحه اللى فوق ضفت الزيت سرسوب رفيع
لحد ما تحسى القوام تمام اطفى الخلاط
صبى الكميه ف طبق وضيفى بمعلقه الزبادى والمايونيز وقلبى مع بعض
وف النهايه ع وش الطبق رشى رشه شطه وكمون
(لو معندكيش ماينويز عااااااااااادى شغال برضو مش لازم )
وهنا الاكله كلها جاهزة
معلش الصورة مغيمه شويه اسفه جداااا
بلييييييييييييييز قيموووو قيموووووووووووووو مش حتخسرو حاجه ياحبايبى
لو عجبكم الموضوع بالله عليكو تدعو لولادى يابنات
مواضيع هذا القسم برعاية
jojo queen jojo queen فتكات ست الكل Fatakat 171568 الدوحة – قطر