السلام عليكم ورحمة الله وبركاته
صلى على النبى الاول يا فتوكة
اللهم صلى وسلم وبارك عليه
ازيكم يا فتوكات يا رب تكونو بخير دايما يا رب
من الاول كده انا كنت ميييييييييييييح فى المطبخ مكنتش اعرف اعمل اى حاجة ان شاء الله حتى طبق لسان عصفور مكنتش اعرف
لكن والله على ما اقول شهيد انا دلوقتى بالنسبة اللى حواليا نمبر 1 فى كلو اذا كانت حلويات او اكل واللى يقولى عرفتيها ازاى اقولو من فتكات
ههههههههههههههههههههههههههه بعمل دعاية لفتكات بجد شكرا لفتكات وكان لازم اشكرها لان الفضل يرجع ليها بعد ربنا اذا كانت هى او خبيرات المطبخ هنا والحلويات وكلوووووووووووووووو يخربيت الرغى اللى انا فيه
بصو بقة انا جوزى بيحب اوى السمين وكنت موعداه انى اعملهوله جينا لما روحنا بنده روحت لقيته بيجيب الفشة وبيجيب السجق قولتله وده لايه يا حبيبى قالى عشان تعملى السمين ههههههههههههههههههه الراجل كان خايف لاطنش
روحت قولت خلاص هعمله وامرى لله مع انى كنت تانى يوم مخنوقة ومضايقة وملييش مزاج وكنت عاملة كده هون ومن جوزى حبيبى كده هون لكن بعد ما خلصت الاكل ودوقته عملت كدهshiningsmile وجوزى داقه عمل كده
يا خراااااااااااااااشي دانا حكيت قصة حياتى ايه الرغى ده كله يالا بينا ندخل ع الموضوع بقة عشان شكلكو هتجرى ورايا وتحدفونى بالاوطة اقصد التوميتو ههههههههههههههههه
المقادير دى كانت على ادى انا جوزى بس واعدت معانا يومين اه انا مش برمى اكل غدا وعشا
7 حبات بومبار وده مقاديره
2 كوب رز
5 حبات طماطم مضروبين فى الخلاط
بصلة كبيرة متقطعة
وانا خدت من الخضرة حبة شبت وحبة بقدونس وحبة كذبرة وقطعتهم ودى صورتهم
وظبطت بقة التوبل عادى بهارات وملح وفلفل اسود وشطة وكمون ونعناع بيديلة طعم جنان
وهنا بقة حشيته وغليت الميه وسقطه فيها وحطيت ملح بردو
والطحال بقة غسلته عادى وغليت الميه وسقطه فيها وحطيت معاه ملح وفلفل اسود
ودى الفشة غسلتها كويس بس طلعت عينى من الدم اللى فيها ايشى انقعها وايشي ادعكها بالملح وهى لسة لما زهقت بقة
هنا حطيتها عشان تتقطع وقعتها وغسلتها تااااااااااااااانى وغليت المية وسقطها فيها وحطيت لها كمون كتيييييييييير حوالى 3 معالق كبار وملح
يتبع يا فتوكااااااااااتى
مواضيع هذا القسم برعاية
2024 manosha 2024 manosha 602538_3.gif سوبر فتكات Fatakat 602538 cairo – فى قلب زوجى