أولاً وقبل أي شيء أحلي تحيه لأجمل فتوكـــات
موضوعي انهاردة يا قمرات عن
الكفته
و
المقادير :سهله وبسيطة
نصف كيلو لحم مفروم
بصله متوسطه
4ملاعق بقسماط
ملح
فلفل
بهارات
** بصي يا فتوكة منك ليها كنت عاوزة أقولكم علي حاجة حلوة وبتدي طعم حلو للأكل وهو الحله الألومنيوم –
أيه بتقولي أية الحله الألومنيوم مش التيفال معقووووووووول
أيــــون بتدي طعم للأكل بجد علشان كدة بتلاقي أكل زمان كان ليه طعم حلو بتاع مامتك وجدتك عن حلل التيفال بتاعت اليومين دول
طيب صدقوني وجربوا بس —
نرجع لموضوعنا قصدي للكفته بتاعتنا
هتبشري البصله طبعاً رفيع جدا وبعدين هتحطي كل المكونات علي بعضها وتبدأئي تعمليها كور وترصيها في صينيه مش تيفال
زي ما قولنا كده
اللي هتقييم الموضوع هديلها الكورة اللي في النص دي هههههه
وبعدين تسيبه بتاع ساعة كدة في الثلاجة يمسك شوية وبعدين تجيبي الصينية وتحطيها علي عين البوتجاز الصغيرة وتوطي النار عليها وتغطيها بغطا حله عندك ماشي زي كدة
هتنزل ميتها وهتشربها أهو شوفتي بقي اللاصقة دي بتدي طعم حلووووو قوي في الأكل
لالالالا متخفيش مش هتتحرق ومن فترة للتانية قلبيها ودي صورة تاني
وبعدين يا قمرات هنروح بقي نعمل التسبيكة بتاعتنا وزي ما أنتم عارفين طبعاً هنخرط البصله وعليها معلقتين سمنه
ونحطهم علي النار لغايه لما تدبل وبردة في حله مش تيفال زي كدة
آآآآآآآآآة ياني من رفع الصور بياخد مجهود بردة
ياريت التقييم يا فتوكات يا عسلايات
وبعدين نضيف عليهم الصلصة بتاعتنا والملح والفلفل طبعاً لغاية لما تتسبك تمام
وأقولكم علي حاجة حلوة بقي علشان الطعم اللاذع اللي بيكون في التسبيكه في أي طبخه عامةً تحطي عليها
ملعقة سكر بس ودي التسبيكة يا قمرات
وبعد لما تتسبك نحط فيها الكفته بتاعتنا لغايه لما تتشرب شويه وتاخد الطعم واللسعه بتاعة التحمير في الأول
هتديها طعم جميل زي كدة
معلش الإضاءة عندي علي بعافيه شوية ههههههه
وبعد كدة هنغرفها ونقدم معاها أرز بالشعرية وسلطة
والطبق دة لأول فتوكة حلوة هترد عليا
** ســــــلام يــــا قــمــــرات ** مواضيع هذا القسم برعاية
نـــدي نـــدي images/avatars/orangeflower.gif برنسيسة فتكات Fatakat 426229 القاهرة – مصر