السلام عليكم ورحمة الله وبركاته
اليوم جايبه لكم المسخن الفلسطيني
اخليكم مع الصور
بس قبل الصور اسلقي الفراخ بتاعتك عادي جدا وحمريها بزيت عادي وشيلي كبايه كبيره او اتنين من شوربة الفراخ وبعدين حتعرفي فايد الشوربه
هذا خبز خمير كويتي يشبه خبز الطابون الفلسطيني بل يكاد يكون هو بالضبط بس فرق التسميه
والخبز مع الدياي (الفراخ) هو اساس اكلة المسخن
تقريبا تقطعي عشر بصلات واتخليهم يتحمروا في كبايتين زيت زيتون
لما تذبل البصله وتتلون زي الصوره بس متتلونش اصفر اوي يعني يبقى لون البصل شفاف وذبلان نحط عليه تقريبا نص كباية صماق وممكن تزودي او تنقصي على حسب ذوقك
انا عن نفسي بحبه اوي وكمان بحط نص كباية شوربه وعصير لمونه صفرا كبيره او ثلاث صغننين
وبضيف الصنوبر المحمص في الاخر خالص
بنحط خبزه ونسقيها شويه شوربه وبعدين كميه من البصل المعمول
وبعدين نحط الفراخ المتحمر
وكمان بنحط شوية بصل فوق الفراخ
ونعيد الطبقات على حسب رغبتك وممكن تحطي اربع خمس خبزات تحت وعليهم بصل بس واخر خبزه تحطي عليها طبقة الفراخ
واتغطيها بالشكل ده
وطبعا مننساش ان كل الخبز متشرب من مية الفراخ اللي هيه الشوربه
واخر خبزه يترش على وشها شوية زيت علشان تتحمر في الفرن
واتخش الفرن المفتوح من فوق وتحت واتخلوها بس لحد ميتحمر وش الخبزه وتاكلوه بألف هنا وشفا
لو عجبتك طريقتي قيمي الموضوع يا فتوكه انتي وهيه
ومتنسوش تدعولي لان طعمها الصراحه جميل وغني وبيدوخ مواضيع هذا القسم برعاية
hisky hisky images/avatars/sunset.jpg فتكات ست الكل Fatakat 108240 العاصمه – الكويت