بصوا يا جماعه انا دخت ولفيت هنا وهناك ورحت وجيت وطلعت ونزلت علشان اجيب الطريقة من شيف من كنتاكي
اول حاجه تجيبوا الفرخه وتفضل تكون فراخ بيضا وتقطعوها الي 9قطع وبعدين تحطيها في ميه وملح وشويه شطة او حسب الرغبه
وتسبيها في الميه ديه اللي مغطياها لمده ساعتين علي الاقل والاحسن تكوني مبيتاها في الميه في التلاجة وبعدين تصفي جدا في مصفه لمده نصف ساعه
وتدخليها التلاجه تاني شويه مش كتير تكوني محضره دقيق ابيض فيه زره ملح وكمان (حوالي ربع كيلو دقيق ابيض وربع كيلو دقيق ذرة وكيس كاراتيه كبير مطحون وكيس مرقه دجاج)وقليبيهم علي بعض وحاجه غويطه فيها ميه وتكوني حطه الزيت علي النار لكي يقدح في قلاية غويطة
تجيبي قطع الفراخ تحطيها في الدقيق وتغطيها كويس بالدقيق وتنفضيها من الدقيق وتمسكي قطعه قطعه بعد ما تنفضيها من الدقيق الابيض تحطيها في الميه وتطلعيها بسرعه وتحطيها في الخلطه اللي عملناها ونقلبها كويس في الخلطة ويكون الزيت مقدوح كويس وتنزلي قطعه قطعه وطوطي النار شويه لغايه ما تحسي ان القطع استوت وبعدين تعلي النار تاني وتقدم مع البطاطس المحمرة والسطله والكاتشب وتبقي كده انتي رحتي انتي والاولاد كنتاكي البيت
وبالهنا والشفا ونسالكم الدعاء لنا بالخير والستر مواضيع هذا القسم برعاية
سمر جوهر سمر جوهر 214732_2.gif فتكات نشيطة Fatakat 214732 القاهرة – مصر
سبحان الله و بحمده