السلام عليكم ورحمة وبركاته
ازيكم
يارب تكونو بخير كلكو
النهارده انا عمللكو محشى كرنب وكوسا
ويارب يعجبكو
اولا
كرنبه
وطبعا لازم نفك ورق الكرنبه علشان نسلقها
ودى شكل الكرنبه بعد مافكيت ورقها
بعد كدا احضر حلة ميه تغلى ع النار وبعد كدا اخد ورق الكرنب واحطه فى الميه بالشكل ده
وبعد خمس دقايق اروح قلباه ع الوش التانى
وبعد كدا اطلعه ع صنيه وافرده علشان يبرد
وبعدين بقى هنعمل الصلصه
هنجيب حله وفيها زيت وبصل
ولما تصفر هاروح حطه الطماطم المفرومه
ودى صورة الصلصه بعد ماحطيت عليها الخضره – بقدونس-شبت-كزبره
والتوابل ملح-فلفل اسود-شطه-كمون-قرفه
وبعدين هجيب الرز وطبعا نقيتو كويس وغسلتو كويس جدا وصفيتو اووى وحطيتو ع الصلصه
بالشكل ده وبعدين قلبتهم ع بعض
وبعدين بقى علشان احشى المحشى هاجيب حله وانا بقطع الكرنب فى العروق بتاعت الورق
انا بقطها صغير وبحطها فى قعر الحله اللى هحشى فيها علشان تحمى اول صف من الكرنب
بالشكل ده
بعدين هجيب ورقة الكرنب وهفردها ع ايدي بالشكل ده
وروحت لفه الورقه ع الرز بالشكل ده
ياريت ياجماعه محدش يرد لان لسه فى تكمله للموضوع
تابعوووووووو مواضيع هذا القسم برعاية
نونا الشرقاويه نونا الشرقاويه 199530_15.gif فتكات رائعة Fatakat 199530 مـــــديـنة الاحـــلام – مـــــــــصـر ام الدنــــــــيـا