حبايبي الفتوكااااااااااات
النهارده جايالكوا بعزومة جدييييييده بس المرة دي لخطيبي
طبعا كلكوا عارفين ان اول عزومة عملتها ف حياتي كانت عزومتي لاصحابي حبايبي و بعد تشجيعكو ليا ان النهارده عاملة عزومة جديدة بس لخطيبي
يلا بينا :::
المنيو كالتالي ::
1-بط بالبرتقال
2-بط ف الفرن
3-كبسة بالفراخ
4-محشي ورق عنب و كرنب
5-بطاطس فريسكاس
الى المقاديييييييير:
اولا :المحشي
خلطةالمحشي: 2بصلة متوسطة ,, طماطم ,,خضرة <شبت و كسبرة و بقدونس>,, رز
الطريقة :
نقطع البصله صغير و ف الزيت نصفرها
و نعصر الطماطم و معاهم 3 فصوص توم
و بعد م البصلة م تصفر و ننزل عليها بالطماطم نسيبها تتسبك على نار هادية
و بعدين نحط نص الخضرة و نقلب و نحط التوابل :
ملح و فلفل و كمون و بهارات و كسبرة و مرقة دجاج بودر
و نحط الرز
و باقي الخضرة
و نلف المحشي
و نحط الشوربة ومعاها معلقة صلصة
و نفس الطريقة لورق العنب
و ادي المحشي لما استوي يا بنانيييييييت
و ورق العنب
هاااا ايه رايكووو::
ندخل بقى على طريقة البط بالبرتقال::
المقادير ::
1-صدر بطة
2-بصلايه شرايح
3-جزر شرايح
4-كرات
5- 2 كوب عصير برتقال
6- 2 م صويا صوص
7- 2 عود كرفس
8- ورق لوري ,, زعتر ,,زيت زيتون ,, قشر ثمرتين برتقال
و نجيب الصدور و نعمل فيها خطين كده او اكس من ناحية الجلد عشان لما ننزلها الزيت متكشش و نتبله بملح و زعتر
و نسخن الزيت و ننزل بصدور البطه من ناحية الجلد
و لما تتحمر نقلبها ع الناحية التانيه
و نحط البرتقال العصير ف حلة و نسيبه يغلي
و نشيل البطه من الزيت و نحط ف نفس الطاسة نص مقدار الجزر و البصل و الكرات و عود كرفس وورق اللوري و نسيب الكمية دي تنقص شوية
و على فكرة الصدور دي مخليه ماما خليتهالي من العضم عشان الحوار ده صعب عليا ههههههههههه
و نيجي بقى للعضم
نغلي ميا على النار و نحط فيها باقي المقدار من البصل و االجزر و الكرات و عود الكرفس و ورق اللوري و قشر البرتقال
و نسيبهم يغلو كذا غلوة كدا
مواضيع هذا القسم برعاية
fatma mido fatma mido 687631_3.gif فتكات متميزة Fatakat 687631 alexandria – egypt