السلام عليكم ورحمة الله وبركاته
المنيو كان
رز بسمتي بالسجق الشرقي
طاجن لحمه بالبصل والفلفل الالوان
فراخ محشيه بالخضار السوتيه والزيتون والجبن
شوربة الشوفان بالبسله
كفتة البطاطس
سلطة طحينه بالزبادي والفلفل الاحمر المشوي
سلطة خضار مشكله
وكب كيك المولتن كيك
والموز المقلي
عصير برتقال باليوسفي والجزر
وده شكل السفره
اولا الرز البسمتي بالسجق الشرقي
المقادير
بصله كبيره ونص ك سجق شرقي من الجزار موش اللي في السوبر ماركت ده طعمو احلى ونص كوب زبيب وكوب الا ربع او اكتر رز بسمتي منقوع حوالي نص ساعه وشطه وفلفل اسود وملح وملعقة زيت وميه سخنه وكركم
الطريقه
اصفر البصله في معلقة زيت موش اكتر (عشان السجق بينزل شوية دهون) ثم الزبيب لحد ما ينفش ثم الرزلحد مايفلفل مع التقلبيب ثم السجق مقطع (وكنت شايلاه في الفريزر وهوا جامد ماسك نفسو قطعتو وبعدين حطيتو مقطع على الفريزر ووانا بحط البصل طلعتو)وقلبت خفيف خفيف من على الجناب عشان موش يفك وبعد ما اتحمر شويه حطيت عليه الميه السخنه مغطياهم الا حاجه بسيطه وحطيت الكركم والفلفل والشطه والملح لحد ما الرز استوى وشرب الميه واستوى
والصور هتشرح اكتر
وده السجق مقطع بقصه بالمقص اسهل وعشان موش يفك
هههههههه ده شكل الكونات من فوق البرتاجاز مع بقية البصل اللي اتضرب في الكبه للحمه والرز
هنا البصل لما اصفر
وده لما استوى
ثثانيا
طاجن لحمه بالبصل والفلفل الالوان
المقاديرنص ك لحمه الا حاجه بسيطه وبصلتين وسط وفلفل اخر واحمر واصفر حته صغيره زي الصوره كده وورقة لورى وبهارات وفلفل اسمر وكركم وطماطمايه كبيره بس نسيت احطها في الصوره
الطريقه
حمرت البصل مع معلقة زيت عشان اللحمه لو فيها دهون لكنها حمرا نسبيا يعني بقى لونها برتقالي ثم احط البهارات ماعدا الملح واقلب وبعدين اللحمه احمرها تقفل مسامها وبعدين حطيت الفلفل الالوان وتقليبه وحطيتهم في الطاجن بس الفخار احلى بس للاسف بوظت الاتنين وحطيت على الوش شرائح طماطم وميه سوخنه وعلى الفرن من تحت وكل ما تحتاج ازود ميه سوخنه حوالي نص كوبايه ولما قربت تستوي حطيت الملح ودي الطريقه بالصور اوضح من الكلام
وده الشكل النهائي لما خرج من الفرن كنت مصوراه بس فيه صور نسيت انزلها ن الموبايل لانه موش بتاعي بتاعي عطلان بعافيه شويه ههه
ثالثا
المشاركه الجايه مواضيع هذا القسم برعاية
عفوك يا رب عفوك يا رب images/avatars/moon.jpg فتكات رائعة Fatakat 249967 القاهره – مصر