السلام عليكم ورحمة الله وبركاته
طريقة حفظ الثوم والصلصة
ازيكم يا فتوكات انا حبيت اقولكم على طريقتى لحفظ الثوم والصلصة فى الفريزر
ودلوقتى فرصة الثوم لسة جديد الحقوه قبل ما يغلا
الثوم:
– احضرى كمية الثوم اللى تناسبك وقطعى الرأس لوحدها ثم قشرى القشرة الخارجية للرأس كلها فقط
– فرطى الفصوص وافرميها فى الكبة أو فى المفرمة
الحقيقة انا كنت بحطها فى برطمان فى الفريزر ولما اعوز اطلع اضطر اسيبه شوية علشان اعرف اخذ منه بالملعقة لكن ده خطأ لأن كدة بنعرض الثوم كل مرة للهواء وندى فرصة للبكتيريا الضارة تنشط فيه
وبنتى قالتلى فكرة اننا نحطه فى أكياس على قد كل وجبة وبما انى مكنش عندى أكياس صغيرة فقسمت كل كيس بالعقد كما بالصورة:
وبالطريقة دى لما اعوز اقص من عند العقدة واسيب الباقى
الصلصة:
الصلصة دى بتنفع لما تكونى مستعجلة وعايزة تعملى اكلة سريعة ومعندكيش طماطم وممكن تنفع للبيتزا والمكرونة
– اشترى طماطم حمراء وسليمة وطازجة بالكمية اللى انتى عايزاها
– اغسليها جيداً وقطعيها مكعبات صغيرة وانزعى الرأس ولا ترمى البذر
– اضربيها فى الخلاط بشوية مية صغيرين جداً ثم صفيها بمصفاة
– ضعيها على النار لتغلى مع القليل من الملح
– اتركيها حتى تجف تماما وميكونش فيها مية خااااالص بس تقلبيها باستمرار حتى لا تحترق
– اتركيها لتبرد وعبئيها فى برطمانات صغيرة او علبة حلاوة وتاخذى منها بانك تقطعى الجزء اللى عايزاه بالسكينة وبتكون شبه الآيس كريم
ولو عايزة تعمليها بطريقة أكياس الثوم بيكون أفضل بس انا لسة مجربتش
لا تنسونى من دعائكم
مواضيع هذا القسم برعاية
سالى عيد سالى عيد 172781_2.gif فتكات رائعة Fatakat 172781 الأسكندرية – مصر