معلش اتاخرت عليكو يا بنانيت فى الصلصه البيتى بس خلاص انا جيت اهو
انا بقى بعمل الصلصه زى مامتى وزى ما شفتها بتعملها
ماما بتشترى كميه طماطم كبيره يعنى كام كيلو كده وده طبعا للخزين فى الفرزيز بس مش شرط لو عندك اى كميه استوت فى التلاجه ممكن تعمليها كده برضه
المهم ماما بتجيب الطماطم الى بتكون طريه شويه مش الجامده بتاعت السلطه
وبعد الغسل تقطعا اجزاء وتحطها فى حله وتولع عليها
هنلاحظ بعد شويه انها عماله تجيب ميه وعلى حسب نوع الطماطم بتكون كميه الميه
كل فتره نحاول نشيل الميه دى ونرميها على اد ما نقدر وهنلاقى الطماطم عماله تدبل تدبل
بعد ما نلاقيها خلاص طريت ننزلها ولما تبرد نضربها فى الخلاط
الخطوه الجايه ترجع لكل ست بيت لان بعد كده ماما بتصفيها فى المصفاه بس فى ستات مش بيحبو يصفوها بس الى بتيجى من بره مفيهاش قشر طبعا
بعد كده يا بنات نولع عليها تانى
ونسيبها لحد ما لونها يغمق هيبقى زى الى جايه من بره
بعد كده تحطيها فى اكياس حفظ الاطعمه الكيس على اد طبختك وطبعا دى تحطيها فى الفريزر وتقد شهور لو عايزه كمان
ممكن تخلى حبه فى برطمان بره للاستعمال القريب يعنى وغطى وشها بالزيت وتخليها فى التلاجه
ادعولى بقى وقيمولى على حبه التوفير اللى وفرتهولكو ده
مواضيع هذا القسم برعاية
ام نور حسام ام نور حسام 245961_6.gif سوبر فتكات Fatakat 245961 فى عالم تانى غير ده – عايشه فى قلب حبيبتى مصر