أزيكم يا فتوكات كنت عاوزة نندردش مع بعض فى شوية حاجات بنقلق منها وحاجات عاوزة أعرف أفضلها من خلال تجاربكم الشخصية
1_ مرقة الدجاج :
كلنا كنا بنستخدمها وسمعنا طبعا أنها خطر بس أنا سمعت الشيف الشربينى بيقول أنها أمنه جدا وأنها أعشاب وبهارات فقط وقال أن اللى قاله دكتور
الواحد مش عارف الصح من الغلط
2- مكرونة أندومى :
ديه طبعا كل الولاد بيحبوها جدااااااااا وأنا قريت هنا عنها وعرفت أنها مؤذية جدا طيب أزاى الحاجات ديه بيتصرح بيعها
3_ الكوكاكولا :
ديه كارثة كبيرة وأغلب الناس عارفة وبتجبها والولاد بيشبطو فيهاوأنا بحاول اعمل عصائر فى البيت ولكن عياط علشان الكوكا
4_ السمنه الصناعية :
زى روابى وجنة سمعت من دكتور أنها بتسبب وليعاذ بالله أمراض مسرطنه وأوقات بنجبها نقول للحلويات لآن الحلويات بتحتاج سمن كتير والسمن الفلاحى غالى
5_ سكر الآسرة :
أنا بجيبة لآنه أبيض ونظيف وشكله يفتح النفس قريت فى المدونة أنه مضر وبرضه محتاره كويس ولا لآ
وأنا عاوزة أعرف من خبراتكم وتجاربكم شوية أستفسارات :
1_ الارز البسمتى :
بلاقى منه أبيض وذهبى مين الآفضل
2- الدقيق :
هل بيفرق الدقيق العادى من دقيق المخبوزات اوالحلويات وبيكون فيه فرق
3_ بهار البابريكا : أنا أشتريته وعاوزة أعرف ممكن لكل أنواع الآكل ولا حاجات معينة
ياريت نشارك بعض بالخبرات والمعلومات وكل واحدة تعرف حاجة مضرة تقولها واللى جربت حاجة وعجبتها تقولهلنا ويكون الموضوع متجدد بأذن الرحمن
فى أنتظار مشاركتكم ومعلوماتكم القيمة
أحبكم فى الله
مواضيع هذا القسم برعاية
بيتي جنتي بيتي جنتي 71437_15.gif سوبر فتكات Fatakat 71437 الإسكندرية – مصر