السلام عليكم
انا عايزة يبقى عندى هدف بس المشكلة ان فى كذا هواية عجبانى و كل شوية بسيبها عشان معنديش شغف انى اتابعها يعنىى زمان كنتىبحب الرسم و اتمرنت عليه شوية و سيبته لانى استصعبته و حابة دلوقتى انى اكتب و ابقى كاتبة و ساعات بشوف مصممينىازياء و نفسى ابقى مصممة او رسامة رسوم متحركة لانى بحب الكرتون وقريت قبل كده انى عشان اكتشف موهبتى لازم اشوف ايه الحاجات اللى كنت بعملها ايام الطفولة و انا زمان كنت بحب الحاجات دى يعنى كنت برسم و ارسم شخصيات و اخترعلهم لبس من تفكيرى و كنت برسم شخصيات انمى و مرة كتبت قصيدة المشكلة انى مش عارفة اقف على هواية من دول و اطور نفسي فيها بس المشكلة انى بشوف الناجحين اللى بيخلوا هوايتهم تبقى مهنهم بيبقى نفسى انى يبقى عندى موهبة الشخص ده و اتخلى عن الموهبة اللى فى دماغى و استشرت استشارية على موقع فالتلى انى لازم اشوف اختصاصى لانى عندى تذبذب و ان حتى هواية الكتابة اللى نفسى اتعلمها محتارة فيها لانى نفسي اكتب بالانجليزى و العربى و انا خريجة كلية لغات ايطالى و خلاص بقيت حاسة انى ربنا هياخدنى لانى ماليش لازمة و مفيش هدف فى حياتى اكرس نفسى ليه مع انى نفسى اعمل حاجة ارفع بيها من شان دينى و وطنى و للعلم انا مابشتغلش بسبب انى مفيش شغل حباه و موخرا فى دماغى نفسى اشتغل فى الترجمة عشان اتعلم الكتابة كويس بس موضوع انى مش عارفة اشتغل ترجمة ايطالى و لا انجليزى لانى عايزة اشتغل بالانجليزى بس مش عارفة اعمل ايه بالايطالى و هو اللغة اللى انا درساها ده غير انى بتهته فى الكلام و معنديش ثقة فى نفسى ، وكمان انا انطوائية و فى ناس بتقول انى لازم اتغير و ابقى اجتماعية بس انا مش فى اهتمامى انى اكون اجتماعية و انا حابة نفسى و متقبلاها كده فانا اعمل ايه دلوقتى اتمنى ان اللى يرد عليا يكون تخصص تنمية بشرية و اسفة على الاطالة
moo_20 moo_20 فتكات حبوبة Fatakat 1081299 cairo – egypt
سبحان الله و بحمده