السلام عليكم فتوكات
أنا متزوجة من 3 شهور ونص ولسه بدعي ربنا يرزقني الذرية الصالحة لأن زوجي بيسافر كثير وبتضيع أيام التبويض مفيش إلا مرتين اللي كان معايا فيهم أول شهر جواز وربنا مقدرش والشهر ده وحاسة إنه كمان مش هيكون فيه حاجة لأن باقي أسبوع واحد ع الدورة ومش حاسة بأي ألم أو تعب اللهم إلا بس إن بطني بتوجعني لو كلت وجبة ثقيلة
المهم ادعولي ربنا يرزقني الذرية الصالحة أنا مش قلقانة خالص الحمد لله وشايفة إنه لسه بدري بس حماتي بقى كل أسبوع ها الدورة آخر مرة كانت امتى ها مفيش حمل ولا ايه
لدرجة آخر مرة قالت لي تعالي أوديكي لدكتورة فانفجرت وقلت لها ليه وفهمتها إن ابنها بيسافر في أيام التبويض دايما
المهم الشهر ده الحمد لله مسافرش أيام التبويض بس أنا عدى عليا يومين من أيام التبويض ولقيت الإفرازات مصفرة شوية وأحيانا بحس بألم المهم رحت مستعملة غسول جولد كانت الدكتورة قايلة لي عليه استعمله يوميا قبل الزواج واستمر عليه بعد الزواج وحطيت مكسيدرم
وقلت لماما قالت لي استعمليهم عشان الالتهابات بتمنع الحمل وبعدين كلمت بنت خالتي وصحبتي قالولها لا الحاجات دي بتمنع الحمل خليها على ماية دافية بس
بس أنا كنت تعبانة وكنت قرأت إن الجولد طبيعي فاستعملته وماما كلمت لي دكتورة لأني معرفش دكاترة ثقة جنبي قالت لها الالتهابات مش بتمنع الحمل وقالت لها اخذ لبوس اميريزول بعد الجماع مباشرة واستخدم المرهم والغسول عادي
بس أنا قرأت هنا فتوكات كثير بيقولوا اللبوس والغسول بيمنعوا الحمل ويقتلوا الحيوان المنوي وإن اللبوس مينفعش مع الجماع
أنا ساعات كنت بأخذ اللبوس قبل الجماع ب 4 ساعات وأنام بدري وساعات بعد الجماع
هو ده فعلا غلط وبيمنع الحمل
ومعلش عندي ليكم سؤال تاني أنا وزوجي مكناش مع بعض إلا مرتين بس في التبويض والمرتين كنت بتشطف بجولد والمرة التانية كنت بحط كمان مكسيدرم وأميريزول لبوس عشان الالتهابات هل ده يستحق إني أقلق وأروح أكشف عند دكتورة زي ما حماتي بتقول ولا مفيش داعي للقلق ولسه بدري وده شيء عادي؟
وادعولي ربنا يرزقني الذرية الصالحة ويبعد عني شر حماتي ويهديها لي هي وزوجي
عاشقة الأندلس عاشقة الأندلس 548588_2.gif فتكات هايلة Fatakat 548588 القاهرة – مصر