انا داخله هنا علشان اقول لكل اللى باركولى ميرسى على احساسكم وياريت محدش يباركلى تانى لان شكل الاداره بتزعل ولكل لما اعمل موضوع عن حملى يقفلوه الاول عملته فى صحه المرأه قفلوه وقالو مش مكانه وتانى مره عملت فى استشارات طبيه قفلوه انهارده وبعد ما عدى عاليه كتير طب ليه وفى الاخر تقولولى احنا عملنا قسم جديد لمباركه الحمل طب ليه معرفتونيش من الاول اول مره تقولولى اسفين هنقفله لان ده مش مكانه ومكانه الصحيح هيكون فى الحته دى او القسم ده دى مش غلطى لانى محملتش قبل كده وطول عمرى بشوف الحوامل بيكتبوا هنا ونيجى نبارك ليهم انتوا عدلتوا وعملتوا قسم جديد ده شىء جيد انا مش بعترض عاليه لاكن اعتراضى ان لما تيجوا تقفلوا موضوع تعرفوا صاحبته ان المفروض يتكتب فى اى قسم مش تغلقوه مرتين وجايين فى الاخر تقولى مكانه فى القسم الفلانى مقولتوش من الاول ليه فى اول موضوع لما قفلتوه الله يسامحكم متعرفوش الموضوع ده اثر فيا اول مره وقلت معلش اصل فى لغبطه بين استشارات طبيه وصحه المرأه فغيرت وكتبته فى استشارات طبيه وتيجوا دلوقتى تقفلوهولى تانى معلش انا كده المردى حسيت بوجع جاااااااااامد والله بكلمك وانا ببكى ليه بتكسروا فرحتى انتوا الغلطنين انتوا اللى منبهتونيش من اول ما اغلقتوا اول موضوع ان مكانه مش استشارات طبيه ان مكان قسم جديد للترحيب بالحوامل انا اسفه لانى اتعلقت زياده عن اللزوم بالمدونة وياريت تلغوا عضويتى لانى مش هدخل تانى ومش عاوزه اكون فى مكان بيجرحنى وبيكسر فرحتى ومش هيصعب عليا غير اللمه الجميله اللى كنت بتجمع فيها وكل اللى هنا بيدعولى حتى من غير مايعرفونى معرفه شخصيه وشكرا للاداره وطلب اخير ياريت تبقوا تعرفوا الناس لما يكتبوا موضوع فى مكان غلط قولهم قبل متقفلوه مكانه الصح فين وشكرا وياريت يابنات متزعلوش منى انى هبعد عنكم بس والله مش هنساكم وهفضل ادعيلكم دايما بالخير والذريه الصالحه
لويزا لويزا 275553_10.gif فتكات رائعة Fatakat 275553 القاهره – جمهوريه مصر العربيه
سبحان الله و بحمده