السلام عليكم ورحمة الله تعالى وبركاته
ازيكم يا بنات
يااااااااااااااارب كلكم تكونوا بخير حال
الموضوع بإختصاااااااار شديـــــــــــد
انى كنت امبارح بالليل نازلة اشترى مُحسن كيك من فرن مخبوزات مضمون واصحابه اهل ثقة وضمير
وكل الناس بتشهدلهم بذلك والحمد لله
الموووووووووووهم بأه .. لقيت زوجة صاحب الفرن قاعدة امام الفرن هى وبنتها وزوج بنتها
ويادوب لسه باسأل زوجة صاحب الفرن عن مُحسن الكيك والمخبوزات
( مع العلم ان دى اول مرة اروح اشتريه فى حياتى )
ودى صور عبوات مُحسن الكيك والمخبوزات بالمناسبة
( بس الصور دى من على النت … مش من تصويرى ) ..
وفى منو اكياس ذى ده …
لقيت الست وشها إتغير وزعلت اوى اوى
( مع العلم برضو انى اد بنتها وهى بتحبنى وبتحترمنى اوى والحمد لله )
علشان كدا استغربت …
وقولتلها :
فى ايه ؟؟ انا قولت حاجة زعلتك ؟؟؟؟
راحت قالت :
مُحسن كيك ؟؟؟ استغفر الله العظيم !!! احنا برضو وش كدا ؟؟؟؟
قولت بينى وبين نفسى :
يا خبر ابيض !!!! الست زعلت اوى كأنى لاسمح الله سألتها عن مُنكر !!!
المهم قولت : اللهم طولك يا روح ( فى سرى طبعاً )
وسألتها تانى زعلت اوى كدا ليه ؟؟
قالت :
المُحسن ده حاجة وحشة اوى . احنا منرضاش نشتغل بيها
قولتلها :
طب وضحى اكتر الله يباركلك .. هل المُحسن ده فيه اى حاجة من الخنزير والعياذ بالله ؟؟؟
قالت :
لأ .. دا بيشتغلوا بيه اصحاب الأفران فى كل مكان عشان بدل مايعمل مثلاً رغيف فينو او قُرص وزنها حلو
يخليها وزنها نص وزنها الأصلى والعجينة تتنفخ وتنفش اوى اوى معاه وانتى كزبونة تتغرى فى شكلها
مش انتى ممكن تشترى رغيف فينو مثلاً منفوخ وقابب وشكلو جميل
وتانى يوم تلاقيه خاسس النُص او فاضى من جواه لما تفتحيه بالسكينة ؟؟؟
قولتلها :
بالظبط كدا … حصلت معايا كتير .. بس ايه المشكلة يعنى لو ربة بيت زيي كدا استخدمته ؟ ماهو انا مش هابيع حاجة للناس
يادوب هاعمل مخبوزات لبيتى وعيالى وبس ؟؟؟؟
هنا بأه انتبه زوج بنتها وقالى :
يامدام المُحسن ده عبارة عن مادة ضاااااااااااااااااارة جداً بالصحة
والناس اللى عندها ضمير من التجار هما اللى قالولنا كدا فى اول ما فتحنا الفرن عشان كدا عمرنا ما استخدمناه والحمد لله
راحت حماته ( صاحبة الفرن ) قالت :
احنا لو كنا اشتغلنا بيه ذى بقية الأفران اللى حوالينا كنا كسبنا كتيـــــــــــــــر اوى من زمان
بس احنا ناس بنخاف ربنا وانتى وكل ست فى الدنيا المفروض متدخلش المُحسن ده بيتها خالص
سألتها :
طيب والبيكنج بودر ؟؟
قالت :
حلال وكويس استعمليه عادى هو والخميرة مفيهومش اى ضرر
انا بس حبيت اقولكم التحذير ده من اهل خبرة سنين طويــــــــلة فى مجال المُعجنات والمخبوزات
وعلى رأى المثل ::
من بوقك يا نحلة … يبقا أحلى
مش كدا ولا ايه ؟؟؟؟
ههههههههههههههههههههههههه
ربنا يصرف عنكم وعن اولادكم وكل حبايبكم كل شر
ياااااااااارب اللهم آآآآآآآآآآآآ ميـــــــــــــــــن
متنسوش التقيــــــــــــيـــــــــــــــــــم بأه لتعم الفائدة
ماشى ؟؟؟؟؟
مشاركة مميزة جزى الله صاحبتها خير الجزاء
اتفضلوا
10 #
انتظر مزيد من مشاركاتكم المفيدة
مع النقاب حتى التراب مع النقاب حتى التراب 17889_15.gif ممنوعة من المشاركة Fatakat 17889 حب الله ورسوله صلى الله عليه وسلم – مصر