السلام عليكم ورحمة الله وبركاته
انا النهارده حتكلم عن تحسين جودة البويضات اللى كلنا بنسمعه بس مش عارفين نعمله ازاى ونادرا ما يكتبه الاطباء معظم الاطباء بيكتبوا تنشيط ومتابعة تبويض وبس لكن عشان تبقى البويضة جيده لابد من اخذ علاج لتحسينها وحتى نضمن ان الاكياس فيها بويضات انا اخيرا روحت لطبيبة وكتبتى العلاج بس ما عرفتش انها لتحسين جودة البويضة والاستجابة للتنشيط انا عرفت بعد كده لما لاقيت دكتور صحبتى كتبلها نفس العلاج وهى دلوقتى حامل ما شاء الله عقبالنا يارب
العلاج ده للى عندهم مشاكل واهمها التكيس لانه بياثر على جودة البويضة ولو حصل حمل بيحصل اجهاض ولازم تتلزمى بالعلاج ده بالثانية وما تكسليش
اولا :طبعا فقد الوزن حتى لو انتى رفيعة كتبتلى كرومكس حبيتن قبل الغدا
ثانيا:الفوليك اسيد حبة يوميا صباحا
ثالثا:اوكتاترون مرة يوميا بردوا صباحا يعنى قبل الليل ما يجى يستمر بعد الحمل
رابعا:طبعا طبعا السيدوفاج مرتين فى اليوم المللى اللى يحددوا الطبيب
خامسا:مضاد روفا ميسن3 كل 12 ساعة لمدة 3 اسابيع ده عرفته من دكتور اللى بتابع عنده صحبتى هو خفيف اوى
سادسا":جوسبرين او اسبوسيد مرة فى اليوم ولا ينقطع حتى بعد الحمل
فيه كمان الرويال جل بس ديه بتزود الوزن وممكن لو تقدروا تاخدوا vit c,vit eيبقى ممتاز
معلومة عرفتها من صيدلى ان المكملات الغذائية لازم تاخديها بالنهار لان بعد الساعة 6 مش حتستفيدى بيها
وطبعا شرب الميه الكتير مهم جدا جدا وعمل تمارين يوميا والحجامة
كل الحاجات اللى فاتت ديه لو انتى مش محتاجة مش حتضرك ماعدا السيدوفاج لازم الطبيب يكتبوهلك طبعا
الحاجات ديه بتخلص الجسم من السموم وبتقوى بطانة الرحم وبتحسن البويضة من الاخر كده عشان لما تاخدى تنشيط تطلع بويضة جيده ويحصل حمل جيد وتبقى ام بامر اللهوطبعا ما تنسيش لو انتى متكيسه انك لازم تظبطى الهرمونات الاول وتعملى نظام غذائى
انا لسه عارفه العلاج وحبيت افيدكم بيه زى ما بستفيد منكم كتير اوى
ادعولى ان ربنا ييسر لى الانجاب انا وكل مسلمة
اى استفسار انا تحت امركم
دينك دينك لحمك دمك دينك دينك لحمك دمك 441308_3.gif فتكات متميزة Fatakat 441308 وقرن فى بيوتكن – مصر