حبيبة أمها يا اخواتي بحبها دي حبيبة أمها
أيام عمري اللي فاتت عشانك عشتهم
وسنين عمري اللي جاية عشانك حـشتهم
عايزاك تبقي شابة وعينيني يخدمهم
ويشيلو ولاد حبيبتي وحبايب ستهم
يا خواتي يا اخواتي بحبها دي حبيبة أمها
يارب يااااارب ما تحرم حد من الامومه ويرزقكم جميعا باطفال سلااام ياااارب ويقوم كل حامل بالف سلامه ياااااارب
عندي معلش سؤالين وبعدين هتلاقوا الولاده بالتفصيل التفاصيل
بنوتي حبيبت قلبي بترجع جامد علي طول بعد الولاده بحوالي شهر مش قشط ترجيع وعلي طول مبهدله هدومها من الترجيع والدكتور كتبلها حقنه ودوا وادتهولها وراح الترجيع بس اليومين دول رجع تاني يعني لو سبتهانايمه علي السرير ابص بالصدفه القيها مبهدله هدومها وشعرها ووشها حتي السرير كمان القيه مبلول ياااريت اللي عنده فكره عن الموضوع ده يقولي
والسؤال التاني
هي ممكن تعقد طول الليل مترضعش وانا بنام وبتروح عليه نومه مش بتصحي تعيط ترضع يعني ممكن ننام الساعه 12 واصحي الساعه 12 تاني يوم وهي ولا تعيط ترضع واقومها علشان ترضع تاخد دقيقه وتسيبه ومترضاش تكمل ومترضاش ترضع الا لما تصحي ده غلط ولا ايه ولازم اصحيها ترضع ولا اعمل ايه
طولت كتير خلاص خلاص هحكي اهووووووووووووو
بسم الله ماشاء الله ولا حول ولا قوه الا بالله
ويالله صلوا علي النبي عليه افضل الصلاه والسلام
انا يادوب دخلت تالت ايام من التاسع وكنت رايحه للدكتور في المتابعه عادي بس كنت حاسه ان الحركه قلت وضعيفه عن الايام اللي فاتت
وبالذات لاني عملت مجهود فوق الفظيع كل يوم انضف في الشقه وفي الدولاب ومخلتش حته في البيت الا ونضفتها
كان جسمي تعبني اوووي
قلت للدكتور اني حاسه ان الحركه ضعيفه لقيته زعقلي وقالي الحركه ضعيفه تيجي حالا ومتستنيش ولا دقيقه
حاول يحرك البيبي متتحركش وقلبي وقع في رجلي عمل رسم نبض للقلب لقيته شغال الحمد لله وروحي رجعتلي تاني
بس حاول يحركها وهي ولا حركه ويزق فيها وهي مفيش
قالي تروحي حالا علي المستشفي وتعملي دبلر حاجه زي ال 3دي بس اقل منها وتكلفتها اقل
واعمل رسم نبض للحنين
وقالي متمشيش من المستشغي الا لما يتصلوا بيه وانا اللي هحدد اذا تمشي ولا تتحجزي
ولو قلتلك تمشي تيجي بكره وبعده تعيدي رسم نبض الجنين
وجريت علي المستشغي وانا مرعوبه وعملت رسم نبض الجنين وقالولي تمام بس ملقتش الدكتور اللي بيعمل دبلر والدكتور قالي امشي
جيت تاني يوم دخت في المستشفي عملت رسم نبض للجنين قالتلي انتي فطرتي قولتلها لا قالتلي انزلي افطري وكلي حاجات مسكره وتعالي بعد ساعه اعيده تاني ورحتلهابعد ساعه فالتلي النبض اضعف من امبارح بس ممكن تروحي وعملت الدبلر قالي كويس ومفيش مشاكل
بس قالي حجم البيبي اقل من اللي كان الدكتور قايله
وتاني يوم فضلت انضف في الشقه وكان خلاص التاتش الاخير يعني غسلت الستاير الخفيفه وركبتها اصل انا بركب الستاير وهي مبلوله اسبها تنشف وهي متعلقه وكمان ريحه الدوني بتبقي حلوه في الشقه
وفرشت السجاجيد وعملت حاجات في البيت وكنت تعبت اووووي
وفضلت لبعد العشا لقيت جوزي بيقولي مش هتروحي المستشفي
قولتله لا كبر دماغك
هروح ويقولولي كويس واروح مش فارقه وبعدين خلاص حسيت بالحركه البيبي الحمد لله
قالي لا اسمعي كلام الدكتور ويالله بينا قولتله طيب
وفعلا رحنا لقيت دكتور هناك عملي رسم نبض للجنين ومش بيتكلم ولا كلمه ومفهمتش منه حاجه وخرج ورجعلنا بعد ربع ساعه
قالي النبض اقل من اليومين اللي فاتوا هركبلك محاليل وارجع اعمله تاني لو لقيناه اتنشط هتروحي لو النبض زي ما هو هتولدي
وفعلا ركبلي محاليل حسيت اني كنت ميته وروحي رجعتلي تاني لاني كنت تعبانه اوووي واتبهدلت في الشقه ونضفتها
ورجع عمل رسم النبض وقالي لا خلاص انتي كده هتولدي انهارده
الصراحه كنت فرحانه اووووي بس كنت خايفه لان البنوته حجمها قليل وكمان كنت بقالي 6 ايام من التاسع بس كنت واخده اربع حقن لتكوين الرئه
قولت للدكتور طيب هروح اجيب حاجتي وحاجت النونه قالي لا خلاص مينفعش
قولتله مش هينفع انا مش عامله حسابي خالص علي الولاده انهارده
لقيت ممرضه دخلت وقالتلي لو مش عامله سويت اجبلك مكنه حلاقه وفعلا دخلت الحمام اخدت دوش وعملت بمكنه الحلاقه واتوضيت
وماما وجوزي راحوا يجبولي لبسي ولبس النونه
لقيت الممرضه جيبالي لبس العمليات وانا كنت لوحدي كنت خايفه اوووي
لبست وقعدت علي السرير مستنيه ماما وجوزي كلمتهم لقيتهم في البيت ووصفت لماما الحاجات اللي محتجاها لاني مكنتش رتبت الشنطه بتاعتي بس شنطه النونه كنت مظبطاها الحمد لله
ماما وجوزي اتاخروا علشان حظر التجوال لان الساعه كانت 2 باليل جوزي نزلهم وقالهم معلش يعديهم علشان مراتي بتولد وفعلا عدوه
وانا كنت خلاص جابولي سرير نمت عليه ودخلوني العمليات كنت خايفه اووي ونفسي اسلم عليهم وعلي ابني قبل ما ادخل
وعلي اخر ثانيه سمعت صوت ابني قولتلهم استنوا هسلم عليهم دخلوا يجروا وانا كنت علي باب العمليات سلمت علي جوزي وماما وابني حبيب قلبي
ودخلت العمليااااات
لقيت دكتوره التخدير زي العسل فضلت ترغي معايا وتهزر وتسالني ولادتك الاولي كانت بنج كلي ولا نصفي قولتلها كلي
قالتلي المره ديه نصفي علشان كنت واكله وفعلا كنت دباها محشي وبط ههههههههههههه
ورفعتلي الروب اللي كنت لبساه عملته ستاره
قولتلها انا خايفه من الحقنه قالتلي لا متخفيش مش هتحسي بيها وحسيت انها دروختني حتي مش فاكره انا اخدها ازي تقريبا نيموني علي جبنبي وفي ثواني محستش بيها خالص ورجعت ارغي معاهم عاااادي خالص هههههههههههه
قولتلها ينفع جوزي يدخل معايا قالتلي ماشي هسالك الدكتور
ووبص لقيت الدكتور ماسك كنزي من رجليها زي الكتكوت المبلول وبتعيط في ايده ويقولي مبروووووك نونه زي القمر زي امهااا
قولتله نعم انت ياراجل انت دخلت امتي وفتحت وطلعت البنت وانا عماله ارغي مع الدكتوره هههههههههههههههه
وفكراك لسه مدخلتش
فضلت مغمضه عيني وادعي ربنا لقيت حد بيحط ايده علي راسي ببص لقيت حد حاطط كمامه علي بؤه قولتله صاحيه صاحيه كنت فاكراه دكتور ههههههههههههههه بس طلع جوزي فضل يصورني وصور كنزي حبيبت فلبي وهما بيقطعولها السره وهي تعيط ياروح قلبي
وقولتله بدل ماانت عمال تصور كده هات اكلم ماما
وفعلا اتصلت بماما مرتين طمنتها عليه وهي يا حبيبتي مرعوبه اووووي وكانت عايزه تدخل بدل جوزي بس الدكتور رفض
وبعدين خدوني علي الاوضه بتاعتي ومش حاسه بااااي حاجه خالص لمده اربع خمس ساعات
وكنزي دخلت الحضانه ساعتين وجابوها الحمد لله وفضلت ابصلها باه معقوله القمر ده بنوتي قولت لماما احاول ارضعها قبل ما مفعول البنج يروح حاولت ارضعها بس طبعا مقمتش من مكاني كنت نايمه وماما شيلاها
وشيلتها وحضنتها وفضلت ابوسها قولت الحق وانا مش حاسه بحاجه هههههههههههههه
وبعدين بدا الوجع باه ولا مسكن عامل حاجه ولا محاليل
حاولت اقوم علشان كنت عايزه اشطف و الممرضه حطتلي لبوسه
اصعب حاجه في القيصري لما قمت من السرير حسيت ان روحي بتروح مني حاولوا يقوموني
قولتلهم لا سبوني انا هقوم نفسي
فضلت اجي يمين شمال وامسك في جوزي مره وانزل رجلي مره وارجع ارفعها لحد ما قمت وقفت
سندوني علي الحمام وجات الممرضه شطغتني وتحميني وانا اقولها خلصي مش قادره اقف وهي كانت بتنضف بزمه اوووي اقولها لاااا كغايه
وبعدين دخلت الحمام علشان ادتني لبوسه عملت حمام علي طول الحمد لله ورجعت نمت علي السرير
وجوزي راح للدكتور قاله اني تعبانه ومش عارفه انام قالي انتي بسكوته خالص ومن النوع اللي مش بيتحمل الالم راح اداني حقنه مخدر لقتني عماله ادروخ وانام زي ما اكون عامله دماغ بس دماغ عال العال هههههههههههه
يعني التعب اللي جامد اخد مني حوالي ساعتين واكتر تعب لما قمت من السرير
وقالولي لو عايزه تروحي ممكن تروحي طبعا انا ولدت بالليل وروحت الصبح الساعه حوالي 1 الظهر وركبت علي كرسي متحرك نزلوني للعربيه وروحت وكنت باخد مسكنات ريحتني كتير حتي جالي ناس في نفس اليوم بالليل وقومت قعدت معاهم مكنتش نايمه علي السرير تقريبا اخد العين التمام وانا عماله اهزر واضخك واحكلهم جوزي دخل معايا وعلي اللي حصل كانها حدوته
تاني يوم كنت بموت من التعب ولا مسكن عامل حاجه ومش قادره اكلم ولا اقول ااااه حتي ماما اتخضت راحت للدكتور في المستشفي فضل يضحك عليه اصله عارفني وعارف اني بسكوته كتبلي علي مسكن اقوي بس قالي هيزود الدم شويه
قولت يزود يزود مش فارقه وفعلا اخد المسكن وكانه سحر واختغي الوجع تماما
وجيه السبوع كنت لابسه علي سنجه عشره وميكب ومانيكير وكنت انا اللي ماشيه اصور الناس ههههههههههههه لدرجه ان جوزي قالي اقعدي واتهدي واعملي نفسك تعبانه علشان هتخدي العين التمام وبعد كده هتيجي تعيطيلي
وفعلا بعد العقيقه علي طول ابني جاله برد حتي النونه هي كمان جالها برد ورحت بيها للدكتور حتي كان مستغرب ان بيبي عندها عشر ايام وعندها برد واتعديت منهم و جالي برررد جامد انا كمان وجعلي كل عظمي وكنت بمووووت يمكن متعبتش من الولاده زي تعب البرد اللي جالي واتصلت بماما وسابت شغلها قولتلها الحقيني انا بموت ومش قادره اكلم ماما شغلتلي سوره البقره ولماخلصت شغلت جنبي وجنب كنزي الرقيه الشرعيه
كنت خايفه اووي ليجيلي لقدر الله سخونيه بس الحمد لله عدت علي خير
بصوا باه
بالنسبه للقيصري شويه ملحوظات كده عايزه اقولكم عليها
اولا
بعد العمليه راحه راحه تامه يعني لو حسيتي نفسك كويسه وتقدري تقومي فومي اتمشي شويه وبعدين ريحي بس متشتغليش في البيت حتي لو كنتي فادره ومش تعبانه
لان انا ماما كانت صعبانه عليه لان جدتي الاتنين ام امي وام ابويا جم قاعدوا عندي
وماما بقت تخدمني وتخدمهم الاتنين وتخدم ابني وجوزي واخواتي ومحدش كان بيساعدها
كنت باخد المسكن واحاول حتي اشيل نفسي هي كانت بتزعقلي بس كنت باجي علي نفسي علشان شايغاها تعبانه
ولما رحت فكيت البلستر لقيت غرزه فكت بس قالولي انها هتلم بس هتسيب اثر
تاني حاجه باه
انا جربت البنج الكلي في ولدتي الاولي والنصغي في الولاده التاينه
وعن تجربه النصغي احلي بكتيررررررررر من الكلي وده بيعتمد علي شطاره دكتور التخدير
لان الكلي اول ما افوق من البنج بفوق علي التعب والوجع واصعب تعب القيصري اول تالت اربع ساعات
لكن النصغي ببقي متخدره الغتره ديه وبعديها باخد مسكنات لدرجه ان الدكتور اداني مخدر نيمني كمان
تالت حاجه باه
الحمد لله الحمد لله
وقت العمليه مغيش حاجه بانت مني الا جزء من بطني بس اللي هما فتحوه كنت متغطيه تماما ومفيش اي حاجه باينه من جسمي نهائي لان كل تفكيري لما جوزي يدخل هيبقي جسمي مكشوف
بس لما صورني وشفت الفيديو لقيت جسمي متغطي ومش باين حاجه خالص
رابع حاجه باه
انا ولدت قي مستشغي الجزيره اللي في فيصل مع دكتور احمد الجزار وكان معاه دكتور وليد يعتبر هو اللي خيط ودكتور احمد الجزار كان منظر مش اكتر يعني طلع البنت ومشفتش وشه ودكتور وليد هو اللي كمل
بس بامانه دكتور احمد الجزار ممتاز ممتاز فوق الممتاز كمان
ودكتور وليد هو كمان راجل في منتهي الاحترام والطيبه والادب وفوق الممتاز هو كمان ربنا يباركله ياااااارب
وكانت الولاده ب 3500 بس كان معايا نقابه التجاريين وعملولي خصم بس من غير النقابه ب 3500
خامس حاجه باه والاخيره
ادعولي دعوه حلوه كده وادعوا لكنزي وكيمو ربنا يخليهم ويحفظهم ويحميهم من اي شر ياااارب
واحب اختم
الف حمد ليك ياااارب لو فضلت اشكر واحمد ربنا من هنا لاخر عمري مش هيكفي اللهم اني احمدك حمدا كثيرا لا يعد ولا يحصي يااااارب العالمين
kimo110 kimo110 فتكات رائعة Fatakat 290852 القاهره – القاهره