لسلام عليكم يا قمرات
انا حبه اننا نتشارك في الحاجات اللي جربناها بعد الولاده للنونو ولينا وفادتنا عشان نستفيد
انا مثلا استخدمت لبنتي كريم اسمه varioده بيدي مناعة للجلد عشان الالتهابات بتاعة البامبرز خصوصا للبنات وكمان كريم الزنك ممتاز
وللمغص كنت بديها دوا اسمه dentinox ده روعةةةةةةةةةةة احسن دوا مغص ريحها لانيجربت كتير وهي المغص كان تعبها اوي
شرب عصير القصب بيزود اللبن وكمان بيحافظ ع الكلي عشان الرضاعة بتاخد السوايل اليس في الجسم فده بيحافظ ع الكلي وكل ده كلام دكاترة والله
وبالنسبة بقي للحلبة هي مفيدة جدا للمو بعد الولادة بس عيبها انها بتخليكي ريحتك حلبه وده كان بيضايقني بس لو حطيتي حتة قشرة برتقال وهي بتغلي ولا هتشميلها ريحة خالص
واهم حاجو توظبي علي ملين عشان دايما بعد الولادة بيحصل امسال واحسن نوعين جربتهم فوار اسمه لاكسيل وشراب اسمة لاكتيلوز مع عصير برتقال
طبعا في حاجات برده بس معروفة زي شاورات جونسون خصوصا اللي قبل للنوم حلو بيهدي البيبي
مع زيت جونسون بحط شوية زيت لافندر وحطي علي جسم البيبي بيخلي ريحتو جميلة
والسرة حطي السبرتو بس مرة مع كل ادان او غيار وبس ولا تغطيها ولا حالجة لان انا عنيت اما غطيتها مع بنتي والله اتلوثت وقرفتني
اللي عندها معلومات ولو بسيطة تقولها وخصوصاموضوع طهارة البيبي
انا عارفة ان في ناس كتير عارفة الحاجات دي بس في امهات اول مرة متعرفش يارب اكون فدت بحاجة صغيرة
ربنا يقومنا بالسلامة يارب معلش مش عارفة الخط مش راضي يكبر ليه حقكو عليا
ام هنا وراكان ام هنا وراكان فتكات متميزة Fatakat 951186 القاهرة – مصر
سبحان الله و بحمده