سلام عليكم ازيكم يافتوكات عاملين ايه انا النهارده عايزة اكلمكن عن تكيسات المبايض والموضوع ده مش منقول من تجميعي اصل انا بقى عندي خبرة لاني متكيسه بس لسه انسه طبعا زي منتم عارفين التكيس بقه مرض العصروبقي عند كل الناس الله يكرمه ويخليهولنا بس احسن حاجه ان اكياسنا جوانا مش برانا ههههههههه
================================================== ==========
الاول حابه اوضح الفرق بين التكيس والكيس لان كثير مننا بتلغبط مابينهم
التكيس ده ببساطه عباره عن تجميع البويضات في المبيض يعني بيحصل تبويض بس البويضات ميتخرجش وبتتجمع كلها في المبيض جمب بعضها
اما الكيس ده اللي هو بعد الشر عنكم زي ورم كده بيبقى متجمع في مكان واحد وبيحتوى على اي حاجه ياما كيس دم ياما كيس شوكولا بس ده مشعرفاه اوي فمش هعرف اوضحه واعراضه بتختلف عن التكيس الكيس بيعمل نزيف ووجع في الجناب وكده
اما التكيس فاعراضه
1-ظهور شعر في الذقن والوش بيكون اسود وممكن يكون طويل
2- زياده الوزن
3-زياده شعر الجسم وخصوصا سري في الكلام يعني بيظهر شعر في الثدي والبطن من تحت السرة كده اسود وكثير شويه وشعر الجسم بيكثر عمتا
4-ودي اهم حاجه اضطرابات البريود ودي بتبقى على حسب درجه التكيس والكلام ده هوضحه دلوقتي بس5= ساعات بيكون هرمون البرولاكتين عالي اللي هو هرمون اللبن لان في علاقه بينه وبين التكيس لو متكيسه بيعلى ولو عالي بتتكيسي
اولا التكيس البسيط ده تقريبا عند كل الناس وبيكتشفوه بالصدفه لانه ملوش اعراض البريود بتكون معاه منتظمه بيكتشف لو واحده متاخره في الحمل ورايحه تكشف بتعرفه او لو انسه عندها مشكله في البريود ورايحه تكف بتعرفه دا ممكن يتاخدله علاج وممكن لا لانه مش ماثر بس نصيحتي ياريت ناخدله علاج لان الموضوع بدا معايا تكيس بسيط وبعدين دلوقتي البريود مبقتش تيجي غير كل شهرين مرة ودلوقتي بقالها اكثر من شهرين مش نزلت واللهي كل دا عشان انا مكنتش مصدقه اني متكيسه لان البريود كانت شغاله معايا علطول ورحت للدكتور يقولي مفيش تكيسات رحت لدكتور ه تانيه قالتلي في تكيسات بسيطه ومصدقتهاش اصلا بس الحمد لله على كل حال
المهم التكيس المتوسط دا البريود بتتاخرلا معاه عن ميعادها او بتيجي شهر اه وشهر لا وطبعا معاه الاعراض السابقه الللي في اول الموضوع ودا طبعا لاومله علاج وساعات بيكون معاه هرمون اللبن عالي
التكيس الشديد دا مبتجيش معاه البريود غير بالحقن او الحبوب بتاعه تنزيل البريود ومعاه كل الاعراض السابقه طبعا وكمان مممكن يحدث ارتفاع لهرمون اللبن
———————————————————————————————–نيجي بقى لتشخيص التكيس بس نصحتي ليكي لو انتي انسه ومتكيسه متهمليش واتعالجي لان ممكن لاقدر الله ياثر عليكي في المستقبل لما تتجوزي لانه بيبوز
المبايض وياريت متسكتيش لحسن تندمي بعد كده
لو انسه بعملي التحاليل دي lh,fsh,prolactin ثاني او ثالث يوم البريود ومينفعش غير كده وكمان مجموعه الغده الدرقيه اللي هى t3,t4,tsh ]دي بتتعمل في اي وقت وكمان بالمرة هرمون الذكورة بس دا بتهيالي مشلازم اوي يعني هو اسمه freetstosteroon او الtestosteroon ذات نفسه بدل الي فيه فري ده
تاني خطوه السونار وديه برضه مهمه بس لازم تكون المثانه مليانه عشان يبان لان طبعا الانسه بيتعملها سونار على البطن مينفعش تكشف نسا او سونار مهبلي سري يعني بالنسبه للمدام تعمل نفس التحليل برضه وطبعا بنزود عليهم السونار المهبلي ومتابعه التبويض والهم ده كلاته
================================================== ====
العلاج اولا لو تخنانه لاززم تخسي 10 كيلو على الاقل عشان الهرمونات تتزبط حتى لو رفيعه خسي ولو 3 كيلو لان ممكن يكون وزنك مش مناسب لهرموناتك فلازم تخسي ولازم نحافظ على اكلنا منكلش مواد حافظه كثير نقلل من الشيبسيات والحاجه الساقعه بيبسي كوكا مرندا فانتا كدا يعني هههههههههه ونقلل من القهوه والنسكافيه وكمان منكلش حاجه مهرمنه نقلل من الدهون ونحاول بقدر الامكان نبتعد عن الفراخ البيضا والمزارع والسمك المزارع واللبن المحفوظ نشرب لبن عادي مش معلب الجبن طبعا نقلل منها لانها فيها دهون مشبعه
ده العلاج الوقائي العلاج االدوائي عائله فاج سواء سيدوفاج او اموفاج او كلوفاج ودي عيله مهمه جدا جدا للتكيسات ولو هرمون اللبن عالي ناخد حاجه تنزله وانضف حاجه الدوستنكس وبعدين ناخد حاجه تثبته زي البارولديل وكل ده هيساعدنات على تنظيم البريود بس اهم حاجه نخس لان لو مشخسيتي كل ده هيبقى على الفاضي وفي دكاترة بيدوا حاجه لهرمون الذكورة زي ديان 35 بيقلل نمو الشعر ده بس طبعا ده مش حلو والهرمونات عمتا مش حلوة وبتاثر احنا لو خسينا وخدنا السيدوفاج هرمون الذكوره هيقل والبريود هتتظبط وكله هيبقى تمام
===============================
اتمنى يكون الموضوع نال اعجابكم وميكونش مكرر انا عارفه انه مكرر بس مش نفس الاسلوب وواللهي دا من تجميعي مش منقول ولا حاجه عايزة دعوة حلو بالشفا والنجاح والعريس ههههههههه داخله على طمع واتممنى تستفادوا منه وعايزة تقيم يافتوكاتت شان الموضوع يثبت واللهي الي مش هتقيم هجي اجبها من شعرها من قدام الجهاز اصل انا شريره هههههههه انا بهظر معاكم او عوا تكونوا زعلتوا مني بس متنسوش تقيموا
في امان الله وحفظه سلام عليكم
took took took took 343480_12.gif فتكات ست الكل Fatakat 343480 طنطا – مصر