ايوه زى العنوان مبيقول الى بتحب الرز المعمر وحرمه نفسها منه علشان الرجيم
متخفيش هتكلى احلى رز معمر وسخن ووشة محمر تحفة ومش هتتخنى
لا………………… دانتى كمان هتخسى ………………………..
طبعا زمنكو بتقولوا ايه التخريف ده يابت ياعبورة استنو بس عليا هقلكم اهو من غير ضرب
بصوا هحكلو حكايتى الاول معلش استحملونى
انا كنت 77كيلو ومن شهر 4الى فات ربنا كرمنى وبدات اعمل رجيم علشان اخس شوية
المهم مطزلش عليكو ربنا كرمى بفتوكة هنا اسمها نرمين ام على حببتى اتعرفت عليها
وعرفتنى على رجيم النقاط ومن سعتها اتغيرت حياتى
علمتنى انى اكل كل حاجة بس بعد معرف هى هدخلى قد ايه سعرات فى جسمى
وكمان عرفتنى انا جسمى محتاج ادى ايه المهم بحثت كتير على النت علشان اعرف كل حاجة
عن رجيم النقاط ده لحد متقريبا حفظته وبدات اخترع كمان اكلات عن طريق معرفتى لنقاط كل اكلة
ادخل بقى فى الموضوع
من معرفتى برجيم النقاط عرفت ان الواحد مسموح له ياكل 5معالق رز فى الغدا ودول بيعملو 2نقطة
يعنى حوالى 100سعر حرارى وعرفت ان 3معالق رز نيين =5معالق رز مطبوخين لان الرز بيكتر بعد الطبيخ
معلش معلش هتكلم اهو عن الرز المعمر خلاص خلاص من غير ضرب …………..ولاعض كمان الى جاية تعض دى هتكلم اهو
انا اخدت معلقتين رز نيين وغسلتهم وحطتهم فى برام من بتوع الرز المعمر الصغيريين دول الى هما قد بولات الشربة
وحطيت عليم تلت كوباية لبن كامل الدسم وملح وفلفل اسود
ده بتاعى جيت بقى على بتاع بناتى وعملته عادى يعنى حطيت لبن ومعلقة سمنة بلدى على وش كل طاجن
وحطيت الطواجن فى الفرن وبعد حوالى ساعة ونص لقيت الطواجن طلعت
ووالله الطاجن بتاعى الى من غير سمنة بلدى وبس باللبن كان عامل وش احمر وعالى ومقرمش اكتر من بتوع بناتى الى بالسمنة وكان تحفة
وطعمة خرافة واكلت منه وشبعت جدا وده كله بمعلقتين بس رز نى يعنى الطاجن بالمعلقتين الرز وتلت الكوباية اللبن عملو نقطتين =100سعرحرارى
يعنى هتعملى رجيم وهتكلى الى نفسك فيه وهتخسى من غير حرمان
على فكرة انا كمان اخترعت محشى رجيمى هبقى انزلهلكم بعد مشوف صدى الموضوع ده عندكو
هيه ايه رايك بقى فى الاكله دى جربوا مش هتخسروا حاجة والى تطلع معاها حلوة تدعيلى يسترنى انا وبناتى والمسلمين ويرجعى جوزى بالسلامة
معلش مش بعرف اصور وانزل الصور فى الموضوعات كنت هوريكم احلى صور للمعمر الرجيمى مواضيع هذا القسم برعاية
ملكة فى المنفى ملكة فى المنفى 368247_4.gif سوبر فتكات Fatakat 368247 منوف – مصر
سبحان الله و بحمده