حبايبى الفتوكات عندى طريقة للنقانق لذيذة ومغذية وتقريبا فيها كل العناصر الاساسية للاكل بس للامانة انا اتعلمتها من جوزى
المقادير
كيس نقانق اللى بيكون 10 او 12 صابع+3 بصلات كبار او اكتر لو بتحبى البصل+نص معلقة اكل توم مفروم+4 طماطم+4 بيضات+زيت زيتون
التحضير
تقطعى البصل كبير او صغير -تفرمى التوم-تقطعى النقانق صغيرة وعلشان الوقت حطيهم برصة الكيس وقطعيهم كلهم مع بعض مرة واحدة-تقطعى الطماطم مكعبات صغيرة ولو تقدرى تقشريها يكون احسن بس مش تعصريها
الطريقة
تجيبى طاسة كبيرة وتحطى فيها كمية اد نص كوباية زيت زيتون وماتسيبيهاش تتقدح لان زيت الزيتون مابيحتاجش قدح وتحطى البصل وبعد دقيقة التوم وتقلبيهم ييجى نص دقيقة وتحطى النقانق وتقلبيهم كويس لحد ما يمتزجوا وتحطى البهارات اللى بتفضليها ممكن كمون فلفل اسم شطة بس ماتكتريش الملح لان النقانق بيكون فيها ملح وتفضلى تقلبى شوية قولى دقيقة وتسيبيها قولى 4 دقايق لحد ما كلهم ياخدوا لون وينشفواوبعدين تضيفى الطماطم وتقلبى وبعد ما الطماطم تبتدى تنزل صوص تحفى فى الطاسة وتكسرى البيض فى كل فراغ انتى عملتيه وترشى شوية فلفل اسمر بسيطة فوق كل بيضة وتهدى النار وتغطى الطاسة لحد ما يجمد البيض وينشف الصوص يبقى البيض شكل البيض العيون
الكمية دى تكفى 4 اشخاص وتقميها مع العيش السخن والمخلل والسلطة وبالهنا والشفا مواضيع هذا القسم برعاية
ONE CUTE GIRL ONE CUTE GIRL فتكات متميزة Fatakat 465388 ABU DHABI – UAE
سبحان الله و بحمده