يا جماعه انا عرفت السبب اللى ادى بيا الى السقط وانا حامل فى اواخر الشهر الخامس
انا مش بكتب الموضوع ده عشان انتوا عارفينى ولاعاوزين تتطمنوا عليا ولا حاجه؟ لاءءءءءءءءءء انا عاوزاكوا تعرفوا السبب اللى خلانى اسقط عشان تستفيدوا انتوا وعشان كده بكتبوا عشان تخلوا بالكوا انتوا من نفسكم ومن كل حد يكون حامل عندكوا ويهمل الحاجه دى
وهى بقا ان كان عندى وجع اسفل البطن شديد جدا وانا حامل من الشهر التالت
والم داخل المهبل و الم مميت اثناء الجماع وتقل اسفل البطن وكل لما اروح لدكتورى
اسئله يا دكتور انا بحس بالاعراض دى يقولى ده عادى انتى بتتدلعى انتى فاكره ايه
هو انتى عايزه تبقى ام بالساهل والكلام ده وطبعا كنت بخرج من عنده حطه جزمه
قديمه فى بوقى عشان بقول خلاص انا بقا غلطانه واكيد دى من اعراض الحمل الطبيعيه وعشان كمان جوزى اتعقد وبيفضل يقولى انتى كده بتدلعى واستحملى ما هى كل الستات بتحمل وده اول حمل ليا وانا معنديش كان اى تجارب
المهم يا فتوكات يا حبايب قلبى الوجع والالم بقا كل يوم يزيد عن اليوم اللى قبله اروح للدكتور تانىواقوله يا دكتور انا حسه بحرقان فى البول يقولى ايقى اشربى بريل او فيروز لكن انتى سليمه وكل اللى عندك طبيعى ومن اعراض الحمل معلش طولت عليكوا
المهم بقا يا فتوكات وصلت لنهاية الشهر الخامس وجد جسم مثل البلون يخرج منى بوجع شديد اقصد بيخرج من فتحة المهبل وكان على اثره سقط البيبى والحمد لله على كل شىء وربنا يصبرنى ويعوضنى خير
اكتشفت فى النهايه بقا ان كان عندى التهاب جامد جداااا ومعالحتوش وهو اللى كان مسبب كل الالام دى وانا معرفش لغايى لما المهبل من الداخل ورم وانتفخ جدا لدرجة ان الانتفاخ ده خرج بره المهبل من كتر كبر حجمه وطبعا بعد الموضوع ده فضل ده ينزل من المهبل وبعدبن ميه البيبى نزلت شويه وبعدين حصلى نزيق مميت والهى كنت هموت فيها وبعدين سقط البيبى
المهم يا جماعه وانتوا حوامل او مش حوامل لما تحسوا باى وجع متطنشوش خالص ولو مارتحتيش مع الدكتور غيريه لاءنهم اتهمونى بالدلع وانا فعلا كان عندى التهاب يمكن كان ينفع يتعالج فى اوله لكن انا سيبته شهرين ونص لغاية لما اتبهدلت والله ينتقم منه الدكتور مكنش بيرضى يسمعنى ولا حتى يهتم بكلامى عشاث يشوف عندى ايه
وشكرا جدا لانكوا استحملتونى على كل الكلام الكتير ده بس ربنا يجزيكوا كل خير
ربى لا تزرنى فردا وانت خير الوارثين
pure_heart pure_heart سوبر فتكات Fatakat 112320 لا اله الا الله – محمد رسول الله