حبيبااتى عضوات قسم صحة المرأه
كل سنه وانتوا طيبين
رمضان كريم علينا كلنا
وان شاء الله من رمضان لرمضان
ربنا يحققلكم كل ما تتمنوا
وكل بنوته معانا تبقى عروسه حلوه
والعروسه تبقى حامل
والحامل تجيبلنا اجمل نونو
واللى معاها نونو تجيبلنا التانى
ويارب دايما فى سعاده وتواصل مع بعض
وزى ما اتعودنا هنا دايما
نفرح لفرحة بعض
ونشارك بعض احزاننا ونخففها على بعض
واى واحده محتاره وعندها سؤال
بتلاقى الف ايد تساعد وتجاوب
حابه اجدد معاكم النيه فى موضوعنا هنا
اننا كلللنا هنا بنشتغل عند ربنا
وبنعمل اجمل حاجه ترضى ربنا عنا
وهى مساعده الناس
اوعى تستهونى برد صغير بترديه فى موضوع اخت ليكى
حتى لو قلتلها يسر الله امرك
احيانا بنبقى فى امس الحاجه للكلمه الطيبه
او فى اجابه عندك لسؤال تكون فى امس الحاجه اليه
ربنا يديم علينا الصحبه الصالحه
ونفضل كده دايما اسره فى بعضينا
وتشجيعا منا لعضواتنا الحبوبات اللى مبيترددوش ابدا فى مساعده الغير
عايزينكم ترشحولنا اكتر عضوات بيساهموا فى مساعده البنات
وبيردوا عليهم ويفيدوهم
شاركونا بقى يا حلوين
وكل بنوته معانا تدخل تقولنا اسم عضوه بتحبها وبترتاح لردودها
واحنا هنقيم مشاركاتكم
وهنكرم اكتر 3 عضوات هياخدوا تصويت
والمسابقه دى هتبقى متجدده معانا ان شاء الله كل فتره
بحبكم فى الله
ايمى
هدايه الرحمن هدايه الرحمن مشرفة عامة لأقسام الصحة و الرشاقة Fatakat 197917 مع جوزى حبيبى – مصر