السلام عليكم يا حبايبى
انا كتبت فى قسم استشارات طبية بس محدش رد عليا ولو حتى بدعاء ف بعد اذنكو هكتب الموضوع تانى
احنا محتاجين دكتور علاج طبيعى يكون بيجى يعمل الجلسات فى البيت ضرورررى جدااااااااااااااااااااااا
جارتى من رمضان اللى فات جالها جلطة جامدة جدا جدا فى المخ والرقبة وأدت طبعا لشلل نصفى فى الجزء الايسر … ودخلت مستشفى السلام الدولى اسبوعين فى الرعاية المركزة وخرجت بعدها لأن مكنش فى حاجة فى ايديهم يعملوها ليها …
وبعد كدة عملت اشاعات على الرقبة ولقينا نسبة الجلطة 70% وكل دكاترة الجراحة طبعا رافضين اى تدخل جراحى لأن كدة هيبقى فيه خطر على حياتها طبعا … حتى كان فيه خبير ألمانى جه الشهر اللى فات ف مستشفى وادى النيل وقدمنا التقرير بتاع حالتها دى ورفض بردو التدخل لأن نسبة الجلطة عالية اوى
هى كانت متابعة لحد الاسبوع اللى فات مع دكتور علاج طبيعى بيجيلها البيت هنا … بس اعتذر عن الاستمرار معاها ف الجلسات دى علشان فتح عيادته وبقى وقته مشغول
احنا ف القاهرة … النزهة الجديدة … ياريت يا بنات لو اى حد يعرف دكتور شاطر تبعتلى رقمه ع الخاص … ولو احتاجتو اى تقارير تثبت كلامى قولولى ابعتهالكو بس بجد الموضوع ضرورى جدااااا جدااااااااااااا … لأن اليوم من غير جلسة بيفرق معاها كتير اوى المسكينة … وحالتها رجعت تتأخر تانى وبناتها حالتهم النفسية صعبة اوى … ربنا يفرج كربهم يارب ويفرج كرب كل الناس
معلش طولت عليكم … وياريت تدعولها بالشفاء العاجل وبالله عليكو متبخلوش علينا بأى رد
Bascota Bascota images/flowersavatars/avatar0021.jpg سوبر فتكات Fatakat 418012 Al Ain – UAE