لسلام عليكم ورحمة الله وبركاتة
ازيكم يا فتوكات يا حلوين
يا رب ينعم على كل المسلمات بالذرية الصالحة ويكتب للحوامل ساعة ولادة سهلة
عاوزة اخد رايكم فى حاجة انا الحمد لله حامل للمرة الرابعة وعندى 3 بنات الله يكرمنى فيهم ويخليهم لى كنت كل ما اروح اعمل سونار يكون غير واضح لان وضع الجنين بالمقعدة دة فى البنات
المهم المرة دة انا فى اخر اسبوع من الشهر الرابع عملت سونار والدكتورة قالت لى ان الجنين ولد ما شاء الله وانها شايفة الخصية فطبعا انا فرحت جدا ولكن قلت لها اتاكدى لان عندى 3 بنات ومش عاوزة اقول لزوجى ولد وبعدين يجى بنت كل دة يا بنات فى نفس جلسة السونار فقالت لى هتشوف تاتى وبدات تحط الجهاز تانى على البطن وفضلت تبحث كتير كتير وبعدين قالت خلاص البيبى قفل رجلة فوق بعض ومش راضى يفتحها
فحاولت اتاكد من كلامها تانى فقالت لى هتاكد لك المرة الجايا يعنى بعد شهر وطبعا دة كتير
المهم رحت لدكتورة تانية بعدها بيومين وقالت الرجلين مفرودة ولكنها مقفولة على بعض لا يمكن معرفة النوع بالشكل دة
فانا دلوقتى محتارة اصدق انة ولد ولا اعمل اية خايفة افرح وافرح جوزى وبعدين ……….. طبعا الحمد لله على فضلو بس اكيد حاسين بيا لو قلت ولد وربنا اكرمنى ببنت وحتى سالت الدكتورة الاخيرة هل الجنين لما يبقى مش واضح كدة يبقى بنت فضلت تضحك علية هههههههه وتقولى يعنى انا دلوقتى لو حطيت القلم دة وراء الورقة دى ممكن يبقى بعد كدة مسطرة مثلا هو الجنين كدة مستخبى ولا واضح هو زى ما ربنا خلقو
يرضيكم كدة ينضحك عليا هههههههه قولو حاجة قبل ما امشى اكلم نفسى
هل السونار بيصدق فى اخر الشهر الرابع
انا رحت للدكتورة التانية خفت تكون دكتورتى شافت بنت المرة التانية واحرجت تقولى بس كدة فعلا الجنين غير وضعو والرجلين قافلة
افيدونى افادكم الله حد حصل معاة كدة وصدق اول سونار
انا بالشكل دة قربت اتجنن انا خلاص شبعت تجارب علشان اعرف وكمان السونار معاندنى اعمل اية بقى دلونى قبل ما اتجنن
ملاذ الرووح ملاذ الرووح images/avatars/moon.jpg فتكات غالية قوي Fatakat 74919 حتة والسلام – بيتى