سلام عليكم
ازيكم عاملين ايه وحشتوني وان شاء الله مش هسيبكم خالص الا لما اتأكد اني خسيت وبقيت تمام بدعواتكم
انا في مواضيعي يعني للي شافاها قبل كدا عرفو طريقتي اني مش بتكلم في السمنة كريجيمات ورياضة و و و كل الحاجات المعروفة دي انا بتكلم فقط من منطلق "نفسي" فقط يعني للي خلاص فقدوا كل ارادتهم ومبقوش قادرين يفكرو يعملو ريجيم تاني وممكن يفضلو كدا سنين دلوقتي هنتكلم في نقطة وهي تكملة لمواضيع الشراهة دلوقتي طبعا معظم اللي عملو ريجيمات سمعو عن ريجيم اللقيمات والدكتور الهاشمي تكلم فيه عن اننا المفروض نعمل بحديث رسول الله " نحن قوم لا نأكل حتى نجوع , واذا اكلنا لا نشبع"
وطبعا النقطة دي صعب ان حد يقتنع بيها مش بس التخان يعني حتى الرفيعين بس الفرق ان الرفيعين ليهم حد والتخين كسر كل الحدود .. طيب ايه اللي يخلينا منشبعش؟؟ كلها حاجات نفسية بحتة
اولها ان الاحساس بالمتعة اللانهائية في الاكل واتكلمت في النقطة دي كتير انك بتاكل بضغط نفسي فبيتهيئلك انك كدا بتدي لنفسك مساحة حرية مع الاكل اللي هو الملاذ الامن وبيبقى ليك شخصية مستقلة عن كل الضغوط اللي حواليك
تاني شيء بتحب تاكل لحد ماتوصل لحد التخمة ومبتبقاش قادر تتنفس ودا بالنسبالك شيء يسعدك جدا برغم انه المفروض يدايقك هو اه بيدايقك بعد ممكن ساعة من الاكل ولا حاجة بتبدأ رحلة الندم والصراع ومن بكرا هبدأ ريجيم لكن لحظة الاكل نفسها بيجيلك وهم وهو الاشباع النفسي ويحصلك نوع من اشباع غرورك وبالتالي بتطلع حاسس بانتصار مؤقت جدا
حلول المواضيع دي كلها بسيطة جدا باذن الله
اول شيء انك تفتكر دايما استعاذة الرسول صلى الله عليه وسلم من القلب الذي لا يخشع والنفس التي لاتشبع طبعا استعاذة مؤلمة جدا بس هي دي الحقيقة ان مادام وصلت ان خليت الاكل كملاذ امن ليك وانه هيشبع رغباتك النفسية يبقى خلصت وصلت لمرحلة اللاشبع لان كل مدى هتزود معدل الشبع بتاعك
تاني حاجة انك تفتكر دايما انك مثلا لو متعود تاكل طبق رز مكون مثلا من 12 معلقة ثق تمام الثقة ان الاحساس بالشبع اللي انت محتاجه هيجيلك والله بعد ربع او تلت ساعة من قومتك من على الطبق هيجيلك هيجيك متقلقش وكل مدى ممكن تقلل طبقك جدا لان المعدة بتتشكل بتشكل الاكل اللي بينزلها
تالت حاجة تفتكر ان الاكل ما هو الا اداة بتمدنا بالطاقة وانه في النهاية المعدة بتتقبل كل شيء وبتتشكل بتشكل الكمية اللي بتاكلها يعني المعدة دي مش اوضة مثلا وليها حد لاء يعني المعدة كأنها بتقولك اكلت خمس معالق ماشي عشرين معلقة ماشي ومتفضلش تتعب نفسك لان الاحاسيس النهائية هتبقى واحدة
رابع حاجة تذكري نفسك دايما بقيم الجمال المنسية انتي بتفتكري قيم كتير في حياتك وبتتلاشي قيم تانية وانا عن نفسي والله كنت زي اللي بجيب رمل وادفن جمالي وافضل اوهم في نفسي ان الجمال دا مطلب مش اساسي للانسان وهو من اساسيات الانسان ولحد الان والله بتعب ساعات من الضغوط النفسية وارجع ورا شوية تاني بس مش زي الاول ..افتكري لما تشوفي واحدة رفيعة بتاكل براحة ليه انتي مش زيها؟؟ برغم ان ظروفكم النفسية متشابهة وقريبة بل ممكن تكونو عايشين في نفس البيت
في النهاية عشان مش عايزة اطول عليكو يارب بس تكونو بتستفادو وتدعولي دعوة حلوة كدا بالثبااااااااات في الريجيم ال23 يوم الجايين وبدعواتكم وتشجعيكم هيعدو معايا هوا يااااااارب انا وكل اللي عايزين يخسو يارب
sam_smile sam_smile 580810_1.gif فتكات ست الكل Fatakat 580810 المحلة – مصر