ولدت والحمد لله بس ادعو لولادى بالشفاء

الحمد لله ربنا تملى الحمل والولادة على خير من اسبوع ورزقنى بتوأم باسل وجاسم بس لسة مبقوش فى حضنى ادعولهم بالله عليكم بالشفاء لأن باسل حبيب قلبى طلع عنده فتق فى الحجاب الحاجز والأمعاء كانت ضاغطة على الرقة والقلب وحطوه على جهاز تنفس صناعى فى الحضانة وكان محتاج عملية وعملها الحمد لله يوم الأحد بس الدكتور قال ان الأهم مرحلة ما بعد العملية ربنا يعديها على خير ادعوله يرجعلى بالسلامة
واخوه جاسم حطوه فى الحضانة هو كمان
ادعولى ربنا يرجعلى ولادى فى حضنى بالسلامة والله مالحقت افرح بيهم ودول أول فرحتى بعد سنين علاج وقبلها فقدت اخوهم عبد الرحمن وهو فى بطنى قبل معاد ولادته بأيام
يارب طمعانة فى كرمك وفى رحمتك ترجعلى ولادى بالسلامة وتباركلى فيهم
اللهم اني استودعتك اطفالي
ردهم الي سالمين معافين من كل داء كما رددت يوسف الى ابيه
واشفهم يا رحمن يا رحيم

bouky&koky bouky&koky 660465_1.gif فتكات هايلة Fatakat 660465 القاهرة – مصر

سبحان الله و بحمده