السلام عليكم ورحمة الله وبركاته
ازيكم يا فتوكات .. كل سنة وانتم طيبيين
انا الحمد لله ولدت من حوالي 5 ايام وشرفوا عمر وعبد الرحمن .. اينعم تاعبني جداااااااا بس كله يهون عشان خاطر عيونهم ربنا يخليهم
ربنا يااااااااااااااااارب يرزق الكل .. دعيت وبدعي كتير جدا ان ربنا ما يحرم حد من الفرحة ديه ابدا ابدا ابدا
حبيت اكتب الموضوع ده لاني تقريبا اكتر واحدة في الدنيا قرت قصص ولادة وقت ما كنت حامل
واقعد اركز في التفاصيل بقى وكده
نبدأ من وقت ما عرفت انهم الحمد لله توأم .. وجوزي قالي اكيد حتولدي قيصري وانا لا ماليش دعوة انا عايزة اولد طبيعي
طبعا حتستغربوا ..
بس انا كان منطقي ان كل حاجه طبيعي زي ما ربنا خلقنا اكيد فيها حكمة طول ما مفيش ضرر
من سنين كان الستات بتولد في بيوتها ولا سونار ولا غيره وكان الاطفال بيجو زي الفل
زائد اني بكرررررررررره فكرة البنج ديه جداااااااااااا .. بكره اغيب عن الوعي وما احسش باللي حواليا بالطريقة ديه
في الوقت ده ورق جوزي اتبعت لنا والجامعه في كندا قبلته وسافرنا علطول ..
وبدأت اراجع هناك .. ولاقيت استحسان لفتكرتي من الدكتور اللي تابعت معاه وقالي انا بحترم الست اللي بتطلب تولد طبيعي وما تخافيش
انا ياما ولدت توائم ثلاثي ورباعي كمان واماهتهم كانو اقويا جدا وشجعني اني اثبت على رايي
شهور الحمل مرت تقيلة وللاسف كنت تعبانه اووووووي
اول تلت شهور ما كنتش بستفرغ كتير لكن كنت مش بقدر اكل ابدا
واي اكل يدخل معدتي احس بناااااااااار في بطني والم مش طبيعي خالص
التل شهور في النص
كانو عادي لكن بدا فيهم وجع ظهرررررررررررررررري
ما كنتش بنام الليل بسببه
واشتغلت قرب سخنه واربط حزام معين كده وربنا يسرها
اخر تلت شهور
ياااااااااه عالتقل
مع اني ما تخنتش اوي
بس حجم بطني كان كبيررررررررررررررررررررررررر
كنت حاسة اني فيلة بصراحة
ورجلي ورامة ومش بقدر اجرها
وظهرت مشكلة تانيه وهي الامسااااااااااك
بالنسبالي كانت اسوء مشكله
والدكتور في اضطر في الاسبوع 35 وال 37 اني يكتبلي حقنة ششرجية لان الموضوع كان متأزم جداااااااااااا
ما علينا سيبكو من كل ده
ندخل في الجد علطووووووووووووووووول
الساعه 12 ونص بليل .. يوم 10 اكتوبر وانا في الاسبوع 38
واقفة اغسل سناني عشان حنام
ولاقيت هوووووووووووووووووووووووووووب كيس الميا اتفك .. وكمية ميا عجيبة غريبة !!!
اتصلنا بالمستشفى وقالولنا يستحسن اروح .. حتى لو ما بدأش الطلق تحسبا لاي مفاجئات
فعلطلول خدنا بعضنا وشنطتنا وطلعنا عالمستشفى
وانا في الطريق بدأت احس بزي موجات وجع بس مش بتوجع !!
اللي هي فهمت بعد كده ان هو ده الطلق البارد
جوزي قالي تحبي نتصل بأهلك
فكرت شوية وبعدين قولتله نتصل بيهم لما اولد او على الاقل الصبح
لان بينا وبين الولاية اللي هما فيها حوالي 7 ساعات سواقة
وانا قلق لا يتخضوا فقولت بلاش واحان نقدر نعدي الموقف ده لوحدنا انا شاء الله
وصلت المستشفى لقيت 2 ممرضات مستنيني
قعدوني على كرسي متحرك لغاية اوضة كده
نيموني على ترابيزة عالية وبدأو شغلهم
قلعوني هودي ولبسوني لبس المستشفى
قاسولي الضغط والحرارة وخدو عينة دم وركبولي كانيولا في كل ايد
جات دكتورة تانية كشفت بالسماعة على صدري وبطني وقالتلهم يدوني حقنة عضل كسلت اسأل بتاعة ايه
نص ساعة ودكتتوري وصل
وانا لسه على نفس الترابيزة
عملي سونار عادي .. بعدها طلب من الممرضات يركبوا استاند الرجلين عشان يعمل سونار فاجينال
طمني على حالتهم بس قالي لو الوضع فضل كده ضروري يديني طلق صناعي
نقلوني بعدها اوضتي
ولبست فستان قطن عادي
واخدت الحقنة الشرجية
وقالولي اتمشي في الاوضة واتحركي عادي يعني
فضلت كده لحد الساعه 4 الفجر
ما فيش طلق جامد
وساعتها ادوني ابرة طلق صناعي
آآآآآآآآآآآآآآآآآآآآآآآآآآآآآآآآآآآآآآآآآآآآآآآآآآ آآي
في الاول قدرت استحمل الوجع بس بعد كده حستيني اضعف منه بكتير
وبدأت اعييييييييط لاني هان عليا اوي ساعتها اني اموت ولا افضل كده
وفضلت رايحة جاية في الاوضة .. تبدأ الطلق اقف مكاني او اسند على اي حاجه واحاول اتنفس جامد
لحددددد الساعه 9 الصبح وانا عالحال ده
جت الممرضة كشفت وقالتلي 3 سم
وركبتلي محلول
وتقريا المحلول كان فيه طلق صناعي برضه لاني من ساعه ما اتركبلي وانا بصوت
وجوزي يغسلي وشي ويقرالي قرأن ويقولي ادعي لكل الناس انتي دعوتك مستاجبة
اول ما الساعه بقت 12 جالي الدكتور تاني وقالي وضعك طبيعي وبرافو عليكي والرحم ساعتها كان اتفتح 5 سم
الوقت بيمر ببطئ جدا والرحم برضه بيفتح ببطئ جدا
فضلت على السرير بس غيرت وضعيتي وبقيت كاني ساجده وادفن وشي في المخده وقت الطلق
الساعة 4 العصر كان الرحم بقى 7 سم
والساعه 8 كان بقى 10 سم
وقالولي يلا حنوديكي اوضة الولادة
غيرولي هودومي تاني وغطوني بغطيان خضرا كتير وحركوني بالسرير
وصلت لوضة الولادة اتنقلت السرير رفعوا رجلي وربطوها
وبدأت الدفع يعدولي 10 ثواني واخد نفس
والممرضة تزززززززق في بطني
وفضلنا عالموال ده لحد اما الساعة بقت 10 راس البيبي باينة بس ما طلعتش
لحد اما حسيت بطلقلة تقريبا كانت اجمد واحده وسرخت جامد لدرجة صوتي رااح
وطلعت راس عمر بس لسه جسمة ..
كان ده اسوء احساس حسيت بيه .. جزء من البيبي برا وجزء لسه جوا
كاني مش قادرة اتنفس لغاية ما الدكتور شده لبرا الساعه 10 و33 دقيقة
عدت عشر دقايق عادي
وبعدها الدكتور عمال يحفز البيبي التاني وانا خلاص استويت بجد
فدخل حديدة اللي بتطلع راس الطفل وبعدين الحديدة التانية
واوعوا تنسوا اني لسه بصوووووووووووت
وفضل يسايس البيبي بالراحة
والراس طلعت
والكتاف طلعت
وما قدرتش ادفع اكتر من كده
خلاص حمووووت من التعب
والدكتور يشد البيبي بس مش بيطلع
بيقولي لازم ازق
والممرضة تقريبا خلاص قعدت فوق بطني
وفيييييييين السعه 11 وربع خرج عبد الرحمن وعيط
على ما وزنوهم ونضفوهم وكده
كان الدكتور اداني ابرة في فخدي عشان المشيمة تنزل بسرعه
10 دقايق والمشيمة خرجت .. وجعتني وهي بتطلع
بعدها حطولي كل واحد في ناحية وخلوني ارضعهم وانا مش قادره اصدق عيوني
تقريبا 24 ساعة بولد .. بس والله كله يهون فدا وجودهم في حضني بالشكل ده
بعدها خدوهم وانا استحميت ورجعت اوضتني
خلاص حموووووووووووت وانااااام
جوزي اصر اني اكل حاجه الاول بعدها سابني انام
وهو اتصل بقى بمامتي وفرح باباه واخواته
صحيت لاقيت ماما وبابا موجودين وشايلنهم
صححححححح
فضل موضوع الاسامي
اللي كنا اتخانقنا عليه كتير جدا جدا لحد اما
فقررنا انا بابا يسمي واحد .. وحمايايا يسمي التاني
فهم اتفقوا على عمر وعبد الرحمن واحانا وافقنا على طوووووووووووووول
معللش طولت عليكم
ربنا يرزقكم الفرحة ديه يارب
وادعولي كتير اوي عشان محتاجه دعائكم بجد
ومع السلامة
Ramaz Ramaz فتكات متميزة Fatakat 707874 اسكندرية – مصر