السلام عليكم ورحمه الله وبركاته
كل سنه وانتم طيبين ورمضان كريم عليكم جميعا
الحمد لله انا ولدت هى كانت ولاده فجأه بس احلى فجأه كان يوم 23-6
تانى يوم ف الشهر التامن حسيت بشويه مغص بس على جامد شويه نفس مغص البيريود الساعه 8 مساءا
بس كان بيروح وييجى وبيشتد اكتر لما امشى
المهم اتصلت بجوزى قولتله الحقنى انا تعبانه اوى ومش قادره مع انى مكنتش تعبانه اوى ولا حاجه يعنى المهم قالى البسى انا جاى ونروح للدكتوره طبعا استقربت دكتوره غير اللى كنت ماشيه معاها لان اللى انا ماشيه معاها بيبقى عندها زحمه
اول ما دخلت على الدكتوره قالتلى مالك قولتلها شكلى كده بولد مع انى اعرف ان الطلق صعب وكده وانا اللى كان عندى شويه مغص وبس
وبما ان بطنى صغيره بكريه بقى قالتلى انتى ف الشهر الكام قولتلها النهارده تانى يوم ف التامن المهم كشفت عليا قالتلى انتى فعلا بتولدى الرحم مفتوح 6 سم
وقالت لجوزى اطلع بيها ع المستشفى فورا وانا هحصلكم ومتروحش بيها ف اى مكان ولا تطلع سلالم وبسرعه جدا ع المستشفى لان الراس خلاص نازله وانا مش مستوعبه قولت دى بتهزر انا مش تعبانه تعب ولاده زى اللى بسمع عنه يعنى
دخلت غرفه العمليات وطلعونى ع سرير الولاده وجابولى واحده ضخمه كده حطت ايديها على بطنى وكل ما تيجى طلقه تقولى يلا وتضغط على بطنى بكل قوتها دخلت المستشفى الساعه 9 و 9ونص كنت ولاده بس طبعا خدوا ابنى ع الحضانه الرئه مش كامله ونزل حتى معيطش قعد ف الحضانه 8 ايام 6 ع التنفس الصناعى وبعدين بدا يرضع بالرايل وانا خدته ف الشهر التامن وعلمونى ازاى ارضعه وبعدها ياسبوع بدات اديله الببرونه واول ما حسيت انه بقى بيرضع الى حد ما كويس شلت الرايل والحمد لله كانت فتره صعبه بس عدت يعنى بفضل الله وهنعمل سبوعه بكره وهو عنده شهر يلا اى هبل كده
ربنا يقومكم بالسلامه ويجعل ولادتكم كلها سهله زى ولادتى كده
يلالالالالالالالالا بااااااااى اشوفكم الولاده الجايه بقى ههههههههههههه
بيوتى اوسكار بيوتى اوسكار 854553_2.gif فتكات نشيطة Fatakat 854553 المنصوره – مصر
سبحان الله و بحمده